‘ ቄሮ ‘ አድማው በቃ – ” የራስን ዕድል በራስ መወሰን እስካልተቻለ ድረስ ትግሉ ይቀጥላል”

” ቄሮ ” የሚባሉት የኦሮሚያ የህቡዕ የለውጥ አደራጆች በኦሮሚያ የታወጀው የአምስት ቀን በቤት ውስጥ የመቀመጥ አድማ እንዲቆም ማደረጉን መረጃውን በመቀበል የሚያሰራጩት ወገኖች አስታውቀዋል። አድማው የቆመው ደግሞ በሶስቱ ቀናት አድማ ከተጠበቀው በላይ ድል በመመዝገቡ ነው። የክልሉ መንግስት በበኩሉ በግድ አድማው በ29 ወረዳዎችና በአምስት የዞን ከተሞች መካሄዱን አምኖ የዜጎችን መብት ከማስጠበቅ አኳያ እርምጃ መወሰዱን አመልክቷል። ኦህዴድ አመራሩ በከፍተኛ ደረጃ የመከረ ሲሆን ግምገማ እንደሚኖርም ተመልክቷል።

ዜናውን አስቀደመው ያሰራጩት ክፍሎች በማህበራዊ ገጾቻቸው እንዳሉትና የኦሮሚያ ሚዲያ ኔት ዎርክ ዋና ስራ አስኪያጅ አቶ ጃዋር መሐመድ እንዳረጋገጡት አድማው በይፋ ቆሟል። በሶስቱ ቀናት ተመዘገበ የተባለውን ስኬትና ግብ በተሰራጨው መርጃ ተብራርቷል።

የራስን በራስ እድል መወሰን የሚለው የኦሮሞ ትግል ግቡን ሳይመታ ከትግሉ ገሸሽ ማለት እንደማይቻል ይህ የአሁኑ የአድማ ጥሪ ሁነኛ መልዕክት ማስተላለፉ፣ የሰዎችን የእለት ኑሮ በማይነካ መልኩ ኢኮኖሚው እንዲቀዛቀዝ በማድረገ ስርዓቱ እንዲኮታኮት ማድረግ፣ ፣ የኦሮሞ ህዝብ በአንድ ጊዜ መነሳት እንደሚችልና የኦሮሞን ብሄርተኛነት ሕዝባዊ መሰረት ማረጋገጡ እና እምቢተኛነቱ ወደ ተቀናጀ የድል ምዕራፍ መሸጋገሩን አመላካች መሆኑ የአድማው መሰረታዊ ድል ተብለው የተዘረዘሩ ነጥቦች ናቸው።

በዚሁ ግምገማ መሰረት አድማው በተጀመረ በሶስተኛው ቀን የተገኘውና የታየው ውጤት በአምስተኛው ቀን ከሚጠበቀው በላይ ሆኖ መገኘቱን ይኸው በማህበራዊ ገጾች የተሰራጨው መረጃ ያስረዳል። ከዚሁም ጋር መርሃ ግብሩን መከለስ አስፈላጊ ሆኖ መገኘቱም ተጠቁሟል። እናም የአድማው አስተባባሪ ተብለው የሚገለጹት ” ቄሮዎች ” በአስተባባሪዎቻቸው አማካይነት አድማው እንዲቆም መወሰናቸው ተመልክቷል።

ይህ በእንዲህ እንዳለ የክልሉ የኮሙኒኬሽን ጽህፈት ቤት ሃላፊ አቶ አዲሱ አረጋ አድማ ማድረግ፣ ሱቅ አለመክፈት፣ በንግድ ስራ አለመሳተፍ መብት ቢሆንም ሌሎችን በሃይል በማስፈራራትና በማስገደድ የተደረገ ያሉት አመጽ ወደ ነበረበት ሰላማዊ ገጽታው መመለሱን ተናግረዋል። እሳቸው እንዳሉት በሰላም መነገድና መስራት የሚፈልጉ ዜጎችን ሰላም ማስጠበቅ የመንግስት ተግባር በመሆኑ አስፈላጊው ህጋዊ እርምጃ እየተወሰደ መሆኑን አመላክተዋል።

በንብረት ላይ ጉዳት መድረሱን ያመለከቱት አቶ አዲሱ በሶስቱ ቀናት አድማ በክልሉም ሆነ በአጠቃላይ አገሪቱ ላይ የተከሰተውን ጫና አላብራሩም። ለቪኦኤ መረጃ የሰጡት አቶ አዲሱ ምን ያህል ሰዎች በቁጥጥር ስር እንደዋሉ አላብራሩም። ይሁን እንጂ ባልተለመደ ሁኔታ የቤት ውስጥ መቀመጥ አድማው የተከሰተባቸውን ቦታዎች ዝርዝረዋል።

አዲሡን የቀን ገቢ ግምት አስመልክቶም የቅሬታ ማቅረቢያ መዋቅርና አሰራር መኖሩን፣ በርካታ ቅሬታ አቅራቢዎች በዚሁ መስመር መዳኘታቸውን፣ ውሳኔ አግኝተው ግብር የከፈሉ መኖራቸውን ያብራሩት ሃላፊው ” የተቃዋሚ ፓርቲ አመራሮችን የማስፈታት አቅም የለንም” ብለዋል።

እየከረረ የመጣውና ከሌሎች ተመሳሳይ መስመር ከሚከተሉ የኦሮሞ ድርጅቶች ጋር ግናባር አልፈጥርም በሚል ከፍተኛ የአድቮኬሲ ስራ እየሰሩ የሚገኙት እነ አቶ ጃዋር ኦሮሚያ የራስዋን እድል እንድትወስን የተፈለገው ሁሉ መስዋዕትነት እንደሚከፈል በተደጋጋሚ መግለሳቸው አይዘነጋም። ይህ አስተሳሰብ በክልሉ ተወልደው ያደጉና ከሁለት ወይም ከዛ በላይ ብሄረሰብ ደም ባላቸው አብዛኞች ዘንድ ቅሬታን የሚፈጥር አስተሳሰብ እንደሆነ ተደርጎ ትችት ሲቀርበበትና እየቀረበበት ያለ ጉዳይ ነው።

አሁን ተጠርቶ ከነበረውና ቀደም ሲል ጀምሮ ሲነሳ ከነበረው አድማ ጋር በተያያዘ የሌሎች የኦሮሞ ድርጅቶች ሚና በግልጽ አልታወቀም። ከሌሎች ህብረብሄር፣ የብሄር ድርጅቶችና ንቅናቄዎች ጋር አብረው ለመስራት በውጭ አገር የሚነቀሳቀሱ የኦሮሞ የፖለቲካ ድርጅቶችም ቢሆኑ በዚህ አድማ ላይ ስላላቸው ሚና በይፋ የተባለ ነገር የለም። አቶ በያን ግን ትግሉ አገር አቀፍ መሰረት እንዲይዝ ጥሪ ሲያቀርቡ በኢሳት በኩል ተደምተዋል።

ከዚሁ ዜና ጋር በተያያዘ የአስቸኳይ አውጁ ሲነሳ በመቶ ሺህ የሚቆጠሩ የጸጥታ ሃይሎችን አስተመሮና አስታጥቆ በክልሉ ማሰማራቱን መንግስት ቢገልጽም ይህንን አድማ ሊያስቆሙ አለመቻላቸው አሁንም በኦህዴድ መዋቅር ላይ ጥያቄ አስነስቷል። ከፍተኛ መነጋገሪያ ጉዳይም ህኗል። ዋዜማ ምንጮቹ እንደነገሩት ጠቅሶ “ኦህዴድ ይህ አድማ እንዲሳካ ተባብሯል በሚል እየተወቀሰ ነው” ሲል ማስነበቡ ሃሳቡን የሚያጠናክር ሆኗል።

በዚሁ መነሻ ኦህዴድ ድጋሚ ግምገማ ሊቀመጥ እንደሚችል የጠቆሙት ክፍሎች ” አድማው ከተጀመረ አንስቶ አመራሩ በስብሰባ ተወጥሮ መሰነበቱን፣ አሁን ድረስ ጉዳዩን ከስረ መሰረቱ ለማጥራት በሚል ከአለቆቻቸው ጋር ንግግር ላይ ናቸው” ብለዋል።

 

አማራ ክልል አተት የ42 ሰዎች ህይወት ቀጠፈ፣ “በሽታውን ሙሉ ለሙሉ ለመቆጣጠር ከ100 ሚ. ብር በላይ ያስፈልጋል”

Image result for water disease ethiopia
Water related diseases in Ethiopia

“በሽታውን ሙሉ ለሙሉ ለመቆጣጠር ከ100 ሚ. ብር በላይ ያስፈልጋል” የክልሉ ጤና ቢሮ ለዓለም አቀፉ ማህበረሰብ የድጋፍ ጥሪ አቅርቧል
በአማራ ክልል ከየካቲት ወር ወዲህ በተከሰተው የአተት ወረርሽኝ፣ የ42 ሰዎች ህይወት ማለፉን የክልሉ ጤና ቢሮ አስታውቋል፡፡ የወረርሽኙ መነሻዎች የፀበል ቦታዎችና ሰፋፊ የእርሻ ልማት ጣቢያዎች እንደሆኑም ተጠቁሟል፡፡
በአማራ ክልል በ8 ዞኖች ውስጥ በሚገኙ 50 ወረዳዎች ላይ በሽታው የተስፋፋ ሲሆን  በ47 ወረዳዎች ያህል የወረርሽኙ መነሻዎች የፀበል ቦታዎች እንደሆኑ መታወቁን ለአዲስ አድማስ ያስረዱት የክልሉ ጤና ቢሮ፣ የህብረተሰብ የጤና አደጋዎች መከላከልና መቆጣጠር ኃላፊ አቶ ተ/ሃይማኖት ገ/ህይወት፤ ከበሽታው ተጠቂዎች መካከልም 98 በመቶ የሚሆኑት በፀበል ቦታ የነበሩና የቀን ሰራተኞች እንደሆኑ አስታውቀዋል፡፡
በበሽታው በስፋት ከተጠቁ አካባቢዎች መካከል የሰሜን ጎንደር፣ የደቡብ ጎንደርና የምዕራብ ጎጃም ዞኖች እንደሚገኙበት የጠቀሱት አቶ ተ/ሃይማኖት፤ ምስራቅ ጎጃም- አዊና ዋግህምራ ወረዳዎች ላይም መጠነኛ ስርጭት እንዳለ ተናግረዋል፡፡  የበሽታውን ስርጭት ለመከላከል ለሰፋፊ የእርሻ ጣቢያዎች የውሃ ማከሚያ ኬሚካሎች እየቀረቡ ነው ያሉት የጤና ቢሮ ሃላፊው፤ በፀበል ቦታዎች ግን ከእምነት ጋር በተገናኘ፣ ፀበሉን በኬሚካል ማከም ስለማይቻል፣ ስርጭቱን ለመግታት የሚደረገውን ጥረት አስቸጋሪ አድርጎታል ብለዋል፡፡
በሽታውን ሙሉ ለሙሉ ለመቆጣጠር ከመቶ ሚሊዮን ብር በላይ እንደሚያስፈልግ የገለጹት አቶ ተ/ሃይማኖት፤ ለዚህም የክልሉ ጤና ቢሮ፣ በፌደራል ጤና ጥበቃ ሚኒስቴር በኩል፣ አለማቀፉ ህብረተሰብ ድጋፍ እንዲያደርግለት ጥሪ ማቅረቡን አስታውቀዋል፡፡ በአሁን ወቅት የክልሉ መንግስት በሽታውን ለመቆጣጠር ከሚያደርገው ጥረት ጎን፣ ዩኒሴፍና አለማቀፉ ጤና ድርጅት (WHO) መሰለፋቸውም ታውቋል፡፡ ክልሉ የድጋፋቸውን መጠን በቁጥር ለይቶ ባይገልጽም፡፡

አዲስ አድማስ

A New Drug Lowers Risk of Heart Attack and Cancer

It turns out that cholesterol isn’t the only thing you have to worry about to keep your heart healthy. In recent years, doctors have started to focus on inflammation — the same process that makes cuts red and painful — as an important contributor to a heart attack. It’s the reason doctors recommend low-dose aspirin…

via A New Drug Lowers Risk of Heart Attack and Cancer — TIME

It turns out that cholesterol isn’t the only thing you have to worry about to keep your heart healthy. In recent years, doctors have started to focus on inflammation — the same process that makes cuts red and painful — as an important contributor to a heart attack. It’s the reason doctors recommend low-dose aspirin to prevent recurrent heart attacks in people who have already had them, why they also prescribe statins, which lower both cholesterol and inflammation, and why they have started to measure inflammation levels in the blood.

But it’s never been clear exactly how much inflammation adds to heart disease risk. Since statins lower both, it’s hard to tell whether inflammation or cholesterol has the bigger impact on heart problems.

MORE: Why Inflammation in Your Mouth May Raise Your Risk of Cancer

But in a new paper published in the New England Journal of Medicine and presented at the European Society of Cardiology meeting, scientists say they now have proof that lowering inflammation alone, without affecting cholesterol, also reduces the risk of a heart attack.

In the study, 10,000 people who have already had a heart attack were randomly assigned to get injected with a placebo or different doses of a drug called canakinumab. Canakinumab, made by Novartis, is currently approved to treat rare immune-related conditions and works to reduce inflammation but does not affect cholesterol levels. After four years, the people who received the drug had a 15% lower chance of having a heart attack or stroke compared to people who didn’t get the drug. The medication also reduced the need for angioplasty or bypass surgery by 30%.

“Even I am pinching myself,” says Dr. Paul Ridker, who led the study and is director of the center for cardiovascular disease prevention at Brigham and Women’s Hospital and is a pioneer in exposing the role inflammation plays in heart disease. “This outcome is more than we hoped for. The bottom line is we now have clear evidence that lowering inflammation through this pathway lowers rates of heart attack and stroke with no change at all in cholesterol.”

About a quarter of people who have heart attacks will have another heart event even if they keep their cholesterol at recommended levels. For them, it may not be cholesterol so much as inflammation that is driving their heart disease. So the study further solidifies the fact that heart doctors should be measure inflammation as well as cholesterol in their heart patients. An inexpensive blood test that looks for a protein that rises in the blood with inflammation, called C-reactive protein (CRP), can tell doctors how much inflammation their patients have. Beginning in 2003, the American Heart Association started to provide guidelines on how doctors should use CRP testing; for patients like those in the current trial, the group did not see any additional benefit to CRP testing since those patients should already be treated with statins, which can lower both cholesterol and inflammation.

But with the new results, those guidelines may change. Ridker says the findings should clarify how doctors can optimize the way they treat their heart patients — about half of people who have had a heart attack tend to have high levels of inflammatory factors, while half have high cholesterol levels. The inexpensive CRP test could identify those with higher inflammation, who might be candidates for taking a drug like canakinumab.

The drug is not currently approved for any heart conditions, but Novartis will likely look at doing more studies to confirm its effectiveness in treating heart disease.

Perhaps more intriguing are additional results that Ridker reported, related to cancer. In a separate study published in the Lancet using data from the same study, he found that people taking canakinumab lowered their risk of dying from any cancer over four years by 50%, and their risk of fatal lung cancer by 75%.

While the connection between heart disease and cancer may not seem obvious, Ridker says that many people who have had heart problems, like those in the study, are former or current smokers, since smoking is a risk factor for heart attacks. And smoking increases inflammation. “People who smoke a pack of cigarettes a day are chronically inflaming their lungs,” he says. That’s why he decided to look at cancer deaths as well as heart events in his study population.

The cancer data is still preliminary, and needs to be confirmed with additional studies, but it’s encouraging, says Dr. Otis Bradley, chief medical officer for the American Cancer Society, who was not involved in the study. “We know that free oxygen radicals and inflammation can damage DNA and can cause cancer,” he says. “This all makes sense to me.” Studies have already shown, for example, that inflammation may be a factor in prostate cancer and colon cancer.

But whether anti-inflammatory agents, like canakinumab, or even over-the-counter drugs like aspirin, should be part of standard cancer treatment isn’t clear yet. There are a number of different inflammatory pathways, and canakinumab targets just one. Other pathways, along with new anti-inflammatory drugs, may emerge with more research.

When it comes to heart disease, however, it’s clear that inflammation-fighting medications like canakinumb may represent the next generation of treatment. “Ten years from now we will be doing more personalized medicine,” says Ridker. “Some people will get more cholesterol lowering. Some will get more inflammation-lowering drugs. Some will get other agents that we haven’t considered yet. It’s a wonderful new era in heart disease treatment.”

የትንታኔ ጥንቅር የቻምፒዮንስ ሊግ የምድብ ድልድል ቅድመ ቅኝት

የ 2017 ተጠባቂው የባለትልቁ ጆሮ ዋንጫ የ 32ቱ ቡድኖች ምድብ ድልድል ባሳለፍነው ሀሙስ ምሽት በሞናኮ ፈረንሳይ በተደረገ ልዩ የዕጣ ማውጣት ስነስርዓት ይፋ ሆኗል። እኛም በአርቡ የቅድመ ትንታኔም ክፍል አንድ ጥንቅራችን ከ 32 ቱ የአውሮፓ ሀያላን የ 16ቱን ቡድኖች ወይም የመጀመሪያ አራት ምድቦች ቅድመ ትንታኔ እንዳስመለከትናችሁ አይረሳም። ቀጣዩ የክፍል ሁለት ዝግጅት ደግሞ ቀሪዎቹን አራት ምድቦች […]

via የትንታኔ ጥንቅር (ክፍል ሁለት) / የቻምፒዮንስ ሊግ የምድብ ድልድል ቅድመ ቅኝት — ኢትዮአዲስ ስፖርት

የ 2017 ተጠባቂው የባለትልቁ ጆሮ ዋንጫ የ 32ቱ ቡድኖች ምድብ ድልድል ባሳለፍነው ሀሙስ ምሽት በሞናኮ ፈረንሳይ በተደረገ ልዩ የዕጣ ማውጣት ስነስርዓት ይፋ ሆኗል። እኛም በአርቡ የቅድመ ትንታኔም ክፍል አንድ ጥንቅራችን ከ 32 ቱ የአውሮፓ ሀያላን የ 16ቱን ቡድኖች ወይም የመጀመሪያ አራት ምድቦች ቅድመ ትንታኔ 


ምድብ ሀ

ቤኔፊካ፣ ባሴል፣ ማንችስተር ዩናይትድ እና ሲኤስኬ ሞስኮ

ጆሴ ሞውሪንሆ ያለምንም ጥርጥር የፈለጉትን አይነት የምድብ ድልድል አግኝተዋል። ዩናይትድ በዚህ ክረምት ሮሜሉ ሉካኩን በፊት መስመር ላይ ዳግም ካመጣው ዝላታን ጋር አጣምሮ ይዟል። የቡድኑን አማካኝ መስመር ለማጠንከርም ማቲች ኦልትራፎርድ ደርሷል።

በሌላ በኩል ኤደርሰን፣ ቪክተር ሊንድሎፍ እና ሌንሰን ሴሜዶን በዚህ ክረምት የሸጠው ቤኔፊካ የውድድሩ ምርጥ የፖርቹጋል ተወካይ ነው። በቤኔፊካ ቤት ብሩኖ ቫሬላ ለኤደርሰን በጣም ጥሩው ተተኪው ሲሆን ፒዚና አሌክስ ግሪማልዶን ማቆየታቸው ደግሞ ለቀጣይ ዋስትና ይሆናቸዋል።

ሲኤስኬ በበኩሉ ከሌሎቹ አንፃር ደካማ እንቅስቃሴ ቢያደርግም ባለፉት ሳምንታት ትልቅ ለውጥ አምጥቷል። የሩሲያው ተወካይ በአዲሱ አሰልጣኙ ኢጎር አክኒፌቭ ስር ለ 11 አመታት በቻምፒዮንስ ሊግ ሁሌም ጎል እየተቆጠረበት የሚወጣበትን ታሪክ ከሰሞኑ መቀየር ችሏል።

ሌላኛው የምድቡ አራተኛ ቡድን ባሴል በበኩሉ ዝነኛውን ተጫዋቹን ማቲያስ ዴልጋዶን ያሰናበተ ሲሆን የምድቡን ግርጌ ይዞ እንደሚያጠናቅቅም ተገምቷል።

የምድቡ አጨራረስ ደረጃ ግምት : 1 ማንችስተር ዩናይትድ 2 ቤኔፊካ 3 ሲኤስኬ ሞስኮ 4 ባሴል

ምድብ ለ

ባየር ሙኒክ፣ አንደርሌክት፣ ፒኤስጂ እና ሴልቲክ

በዚህ ምድብ ሁሉም አይኖች በባርሴሎና እና ሪያል ማድሪድ ደረጃ የሚያስቀምጠኝን የኔይማርን ዝውውር ፈፅሜያለሁ ብሎ በተኩራራው ፒኤስጂ ላይ ማረፋቸው ሳይታለም የተፈታ ነው። በሌላ በኩል ደግሞ ዣቪ አሎንሶንና ፊሊፕ ለሀምን የሸኘው ባየር ሙኒክ የአምና ጥንካሬው ላይ መገኘቱ የሚያጠራጥር ነው።

ሴልቲክ በበኩሉ ከአንደርሌክት ሶስተኛ ደረጃን እንደሚነጥቅና በሜዳው ባየርንና ፒኤስጂን ሊያስቸግር እንደሚችል የሚጠበቅ ነው። ነገርግን ምድብ ለ ትልቅ የአቅም አለመመጣጠን ችግር ያለው ምድብ መሆኑ የማያጠራጥር ነው።

የምድቡ አጨራረስ ደረጃ ግምት : 1 ባየር ሙኒክ 2 ፒኤስጂ 3 ሴልቲክ 4 አንደርሌክት

ምድብ ሐ

ቼልሲ፣ ሮማ፣ አትሌቲኮ ማድሪድ እና ካራባጅ

አትሌቲኮ ባለፉት አራት አመታት በውድድሩ ላይ ለሁለት ጊዜያት ለፍፃሜ የመድረሱን ስኬት ከተመለከትን የስፔኑ ክለብ የምድቡ በላይ ሆኖ እንደሚጨርስ ይገመታል። አትሌቲኮዎች በተወሰነባቸው የዝውውር እገዳ ከሲቪያ የገዙትን ቪቲሎን ጭምር በውሰት ለመስጠት ቢገደዱም ግሪዝማን በክለቡ መቆየቱ አንድ ጥሩ ነገር ነው።

ቼልሲ በበኩሉ ከበርንሌይ ጋር በነበረው ጨዋታ ከቅርፅ ውጪ ሆኖ ቢታይም በጥብቅ መከላከል ቶትነሀምን 2-1 በመርታት ማንሰራራቱን ያሳየ ቢሆንም ኮንቴ ከዚህ ቀደም በጁቬንቱስ በ 2012/13 ቡድናቸው ከሩብ ፍፃሜው ማለፍ ሲሳነው በቀጣዩ አመት ምድቡን መሸጋገር በራሱ አቅቶት እንደነበር አይረሳም።

ሮማ በበኩሉ በአዲሱ የስፖርት ዳይሬክተሩ ሞኑቺ አማካኝነት መሀመድ ሳላ፣ አንቶኒ ሩዲገርን የመሰሉ ኮከቦችን ሲሸጥ መተኪያ የሌለውን ፍራንሲስኮ ቶቲን በጡረታ አጥቷል። ነገርግን በተቃራኒው 10 ተጫዋቾችን መቀላቀሉ ለሶስተኛነት እንኳን እንዲገመት ያደርገዋል።

ካራባጅ በበኩሉ አዘርባጃንን በምድቡ የወከለ የመጀመሪያው ቡድን ሲሆን አሰልጣኙ ጉርባን ጉርባኖቭ ከ 2008 አንስቶ በክለቡ አሰልጣኝነት የቆዩና የደቡብ አፍሪካውን ዲኖ ድሎቩን ቀዳሚ ማረፊያ በማድረግ በሶስት አጥቂ መጫወትን ይመርጣሉ።

የምድቡ አጨራረስ ደረጃ ግምት  :  1 አትሌቲኮ ማድሪድ፣ 2 ቼልሲ 3 ሮማ 4 ካራባጅ

ምድብ መ

ጁቬንቱስ፣ ኦሎምፒያኮስ፣ ባርሴሎና፣ ስፖርቲንግ ሊዝበን

ባሳለፍነው አመት በሩብ ፍፃሜው ባርሴሎናን ያሰናበተው ጁቬንቱስ ከስፔኑ ክለብ ዳግም የሚፋጠጥበት ከባድ ምድብ ሲሆን ሁለቱም ቡድኖች በዚህ ክረምት ዋነኛ ተጫዋቾቻቸው የሆኑት ሊኦናርዶ ቦኑቺ ሳይጠበቅ ሚላንን ሲቀላቀል ኔይማር በበኩሉ ኒውካምፕን ለቆ ወደ ፓሪስ አምርቷል።

ጁቬ በጣሊያን የአሸናፊዎች አሸናፊ ዋንጫ ከላዚዮ ጋር በነበረው ትንቅንቅ በመከላከል ላይ ምን ያህል መድከሙ የታየ ቢሆንም የቱሪኑ ክለብ ምርጥ ስብስብ ያለውና ፌደሪኮ በርናንዲሽን በ 35.7  ሚሊዮን ፓውንድ ከፊዮረንቲና በማስፈረም ወደ ቡድኑ ቀላቅሏል።

በሌላ በኩል በባርሴሎና ቤት ማርኮ ቬራቲ አለመፈረሙና በምትኩ የቀድሞው የስፐርስ አማካኝ መምጣቱ በባርሴሎና ደጋፊዎች ዘንድ ሀዘን ቢፈጥርም የካታላኑ ክለብ ስብስቡን ለማጠናከር ፊሊፔ ኩቲንሆንና ኦስማን ዴምቤሌን ለማስፈረም እየተጋ ይገኛል።

በአዲሱ አሰልጣኙ ቤስኒክ ሀሲ ራሱን እያደሰ የሚገኘውና በዝውውር መስኮቱ 20 ሚሊዮን ፓውንድ ያወጣው ኦሎምፒያኮስ በበኩሉ ምድቡን በሶስተኛነት እንደሚያጠናቅቅ ግምት ያገኘ ሲሆን አማካኙን ዊሊያም ካርቫልሆን የሸጠው ስፖርቲንግ ደግሞ ከሁሉም ያነሰ ግምት ተሰጥቶታል።

የምድቡ አጨራረስ ደረጃ ግምት  :  1 ጁቬንቱስ 2 ባርሴሎና 3 ኦሎምፒያኮስ 4 ስፖርቲንግ

ምድብ ሠ

ስፖርታክ ሞስኮ፣ ሊቨርፑል፣ ሲቪላ እና ማሪቦር

በዚህ ተመጣጣኝ ቡድኖችን በያዘው ምድብ ሊቨርፑል ባለፉት ሶስት አመታት ሶስት የተለያዩ አሰልጣኞች ከቀያየረው ሲቪላ ቀድሞ ምድቡን ከላይ ሆኖ እንደሚያጠናቅቅ ትልቅ ግምት አግኝቷል።

በሌላ በኩል ግን ኤድዋርዶ ቤሪዞ የሚመራው የስፔኑ ክለብ ቪቶሎን ለአትሌቲኮ ሸጦ በምትኩ ኤቨር ባኔጋ፣ ጂሰስ ናቫስ እና ኖሊቶን ማስፈረሙ ከፊት መስመር ላይ የሚያስፈራውን ነገርግን የኋላ መስመሩ የሳሳውን የየርገን ክሎፕ ስብስብ ለመፈተን መጠነኛ አቅም እንደሚፈጥርለት መጠርጠር ይገባል።

የሩሲያው ስፖርታክ በበኩሉ ባሳለፍነው አመት ከ 2001 በኋላ የመጀመሪያ የሊግ ድሉን ከአስደናቂ ብቃት ጋር ቢያሳይም ዘንድሮ 11ኛ ደረጃ ላይ የተቀመጠ እና የአንቶኒዮ ኮንቴ ምክትል የነበሩት የክለቡ አለቃ ማሲሞ ካሬራ ቡድናቸው እያሳየ ባለው ደካማ አቋም የስንብት እጣ ሊደርሳቸው የሚችልበት እድል ሊኖር የሚችል ሲሆን የቡድኑ ሆላንዳዊ የክንፍ መስመር ተጫዋች ኪዊንስ ፕሮምስ ግን የቡድኑ ያልተነገረለት ከባድ የጥቃት ሀይል ነው።

በመጨረሻም የምድቡ አራተኛው ተፋላሚ ማሪቦር እስካሁን በታሪኩ ካደረገው 12 የቻምፒዮንስ ሊግ የምድብ ጨዋታ አንድ ብቻ ያሸነፈ ደካማ ስብስብ ሲሆን የአጥቂ አማካኙን ዴር ቭርስኪን ማጣቱ ሲታከልበት በምድቡ ከባድ ፈተና እንደሚጥቀው የሚታመን ነው።

የምድቡ አጨራረስ ደረጃ ግምት : 1 ሊቨርፑል 2 ሲቪያ 3 ስፖርታክ ሞስኮ 4 ማሪቦር

ምድብ ረ

ሻክታር ዶኔስክ፣ ናፖሊ፣ ማንችስተር ሲቲ እና ፌይኖርድ

በክረምት የዝውውር መስኮት ከ 220 ሚሊዮን ፓውንድ በላይ ዋጋ ላወጣው የፔፕ ጋርዲዮላ ስብስብ ምንም አይነት ምህረት አይኖርም። ከዚህ ጋር በተያያዘም የስፔናዊው አለቃ ስብስብ ምድቡን ዘና ብሎ ከላይ ሆኖ የመጨረስ ግዴታ ያለበት ሲሆን ምድቡ አስደናቂውን የማውሪዚዮ ሳሪን ስብስብ ናፖሊ መያዙ እና ሲቲ አሁንም ያለበት የኋላ መስመር መሳሳት በምድቡ የበላይ ሆኖ ለማጠናቀቅ ፈተና ሊጠብቀው እንደሚችል ይነግረናል።

ድሬስ ሜርትንስ፣ ጆሴ ካሌጆን፣ ሎሬንዞ ኢንሲግን፣ አርካዲሁዝ ሚሊክ እና ማርክ ሀምሲክን የያዘውና ከየትኛውም ቦታ ጎል ማስቆጠር የሚችለው ናፖሊ እውነትም አስፈሪ ነው። በሌላ በኩል አምና የዩክሬን ሊግን ክብር በሰፊ የነጥብ ብልጫ የወሰደውና በቅርብ ጊዜ አሌክስ ቴክሴራ እና ዱጋላስ ኮስታ አይነት ኮከቦቹን ያጣው ሻክታር ብዙም ተገማችነት አላገኘም።

በመጨረሻ ደግሞ ከ 18 አመታት በኋላ ለመጀመሪያ ጊዜ በቫን ብራንክሆረስት እየተመራ የሆላንድ ሊግን ያነሳው ፌይኖርድ ዲርክ ኳይትን በጡረታ፣ ትሬንስ ኮንጎሉን እና ሪክ ካርስዱርብ የተሰኙ ወሳኝ ተጫዋቾቹን ደግሞ በሽያጭ ማጣቱ የቡድኑን የምድብ ተፎካካሪነት ይበልጥ እንደሚያወርድበት ይጠበቃል።

የምድቡ አጨራረስ ደረጃ ግምት : 1 ማንችስተር ሲቲ 2 ናፖሊ 3 ሻክታር ዶኔስክ 4 ፌይኖርድ

ምድብ ሰ

ሞናኮ፣ ቤሽኪሽታሽ፣ ፖርቶ እና ሊፕዚግ

ከሁሉም ምድቦች በጣም ተቀራራቢ ቡድኖች የተሰባሰቡበት እና ሁሉም እኩል የማለፍ እድል ያለው ፍትሀዊ ምድብ የተባለለትን ምድብ ሞናኮ በርናንዶ ሲልቫ፣ ቤንጃሚን ሜንዲ እና ቲሞ ባካዮኮ የመሳሰሉ ኮከቦቹን ቢያጣም በቀዳሚነት እንደሚያጠናቅቀው ይገመታል።

የፖርቹጋሉ ተወካይ ፖርቶ በበኩሉ አንድሬ ሲልቫን ለሚላን አሳልፎ ቢሰጥም በቲኪኖ ሶአሬዝ ጠንክሮ እንደሚመለስና በአዲሱ አሰልጣኙ ሰርጂዮ ኮንሲካኦ እየተመራ ምድቡን በማለፍ በስኬት እንደሚያጠናቅቅ ሲጠበቅ የውድድሩ አዲስ ተካፋይ የጀርመኑ ሊፕዚግ በበኩሉ የውድድሩ ልምድ አልባነቱ ምድቡ እንዲከብደው ሊያደርግ እንደሚችል ይታሰባል።

በመጨረሻም የክረምት የዝውውር መስኮት ቀንደኛ ተሳታፊ የነበረው ቤሽኪሽታሽ በበኩሉ ፔፔ፣ ጀርሜን ሌንስ እና ጋሪ ሜድል የመሰሉ ተጫዋቾችን ማግኘቱ ተፎካካሪነቱን እንደሚጨምረው ቢጠበቅም የምድቡ ዝቅተኛ ተገማች ነው።

የምድቡ አጨራረስ ደረጃ ግምት : 1 ሞናኮ 2 ፖርቶ 3 አርቢ ሊፕዚግ 4 ቤሽኪስታሽ

ምድብ ሸ

ሪያል ማድሪድ፣ ቶትነሀም፣ ቦሩሲያ ዶርትሙንድ እና አፖል ኒኮሲያ

የአምናው ሻምፒዮና ማድሪድ ዘንድሮም ቀዳሚ ተገማች ሲሆን ከ 1974-76 የባየር ሙኒክ ገድል በኋላ ለመጀመሪያ ጊዜ የበርናባው ስብስብ ሶስተኛ ተከታታይ የቻምፒዮንስ ሊግ ድሉን እንደሚያስመዘግብ ተጠብቋል።

የስፔኑ ክለብ ትልልቅ ኮከቦቹን በቡድኑ ማቆየት ችሎና ማቲኦ ኮቫቺች፣ ማርኮ አሳንሲዮስ እና ዳኒ ሴባሎስን በመሰሉ ወጣቶች ይበልጥ ገዝፎ የውድድሩን ምድብ ድልድል መጀመር ሲጠብቅ ኦስማን ዴምቤሌን ለባርሴሎና አሳልፎ የሰጠው ዶርትሙንድ በፒተር ቦዝ አሰልጣኝነት ስር ፒዬር ኤምሪክ ኦቦምያንግን በቡድኑ ማቆየት ችሎ እና ጁሊያን ዊግል የመሰለ ኮከቡ ዳግም ብቁ ሆኖለት ይህን የምድብ ድልድሉን ደረጃ ሁለት የሞት ምድብ ከማድሪድ በመቀጠል በሁለተኛነት ሾልኮ እንደሚያልፈው ተጠብቋል።

የምድቡ ሌላኛው ተወካይ ቶትነሀም በበኩሉ በምድቡ ያገኘው ግምት ከስፔንና ጀርመን አቻዎቹ ያነሰ ሲሆን የምድብ እንቅፋቱን በጣጥሶ ለማለፍም በቀጣይ አመት ወደ አዲሱ ስታዲየሙ እስኪዘዋወር ድረስ ዘንድሮ በጊዜያዊነት በሚጠቀምበት ዌብሌይ ያለበትን መጥፎ ገድ ማስወገድ እንዳለበት እየተነገረለት ይገኛል።

ባሳለፍነው የውድድር ዘመን ኮከብ ጎል አስቆጣሪውን ፒሮስ ሶትሪዩን ያጣው አፖል በበኩሉ የምድቡን ግርጌ ታኮ እንደሚቀመጥ ተገምቷል።

የምድቡ አጨራረስ ደረጃ ግምት : 1 ሪያል ማድሪድ 2 ቦሩሲያ ዶርትሙንድ 3 ቶትነሀም 4 አፖል

ህዝብና መንግስት ምንና ምን ናቸው?

 አንድ ማህበረሰብ፤ ማህበራዊ አንድነቱ፣ ግላዊ ፈቃዱ፣ ሠላሙ፣ ጥቅሙ፣ ነጻነቱ፣ መብቱ፣ ማንነቱና ውርሶቹ ሁሉ ተጠብቀው እንዲቀጥሉለት መንግስት ያስፈልገዋል። ይህንን ለማድረግ ደግሞ በታላላቆቹ የፖለቲካ ፈላስፎች በእነ ሆብስና ሩሶ አስተምህሮ መሰረት፤ ግለሰቡ ወይም ህዝቡ ስልጣኑንና በጎ ፈቃዱን በስምምነት መንግስት ለሚባለው አካል ማስገዛት አለበት። መንግስትነትን ለመመስረት ደግሞ መጀመሪያ የውላችንን አይነትና ምንነት በትክክል መለየት ይኖርብናል፡፡ ለዚህ አስተሳሰብ ሁነኛ መሰረት ጥለዋል የሚባሉት ሆብስና ሩሶ ናቸው፡፡

እንደ ሌዋታት ሁሉንም ውጣ ‹‹ዋጤ››ማንነቷን አስመስክራለች- አፍሪካችን

እንደ ሆብስ አባባል፤ መንግስት የህብረተሰቡን ደህንነትና ንብረቱን የመጠበቅ ግዴታ አለበት። ለሩሶ ደግሞ የመንግስት ተቀዳሚ ተግባሩ፤ የህብረተሰቡን መብትና ነጻነት ማስከበር ነው፡፡ ይህ የሩሶ አባባል ከውዴታ ይልቅ ግዴታው ያመዝናል። ሁለቱም ፈላስፎች ግብ ያደረጉት፣ የማህበረሰቡን አንድነትና  ሠላም ሲሆን ለዚህ አቋማቸው ዋነኛው ምክንያት ደግሞ፥ በመንግስታዊ መዋቅሮቻችን፣ የህብረተሰቡን ደህንነትና ንብረት እንዲሁም ነጻነትና መብት ማስከበር ከተቻለ፣ ሰላማዊ ማህበረሰብ ይገኛልና ነው።
የፍላጎት ወይም ጥቅም /interest/ ውል የሚያጋድልበት ፍልስፍና የሆብስ ሲሆን የመብት/right/ ውል ያመዘነበት ፍልስፍና ደግሞ የሩሶ ነው። የጥቅም ውልና የመብት ውል እየተባሉ ለሁለት ቡድን ተከፍለው ምሁራዊ ትንታኔ ይሰጥባቸዋል፤ የሁለቱ ፈላስፎች ማህበራዊ ውል። ጋሽ ሆብስ፤ የሰው ልጅ ክፉ፣ ቀማኛ ነው ብሎ ስለሚያምን፣ እያንዳንዳችን ጥቅማችን ተከብሮና ከቀማኞች ተጠብቀን እንኖር ዘንድ መንግስት መመስረት አለብን ስለሚል፥ በጥቅም ላይ የተመሰረተ የመንግስት ውል ይባላል ማለት ነው፡፡ ጋሽ ሩሶ ደግሞ የሰው ልጅ በተፈጥሮው ቅንና የዋህ ስለሆነ፤ ክፋትን እዚህ ዓለም ላይ ሲኖር ነው የሚማረው፤ ስለሆነም ከማንኛውም ተጽዕኖ ነፃ እንዲሆንና ክፋትን ከሚያስተምሩት እንዲጠበቅ መብቱን የሚያስከብርለት ውል ያስፈልገዋል ይለናል፤ ስለዚህም የመብት ውል ይባላል-የሩሶ መንግስት፡፡
“Every person and everything is either an obstacle or potential obstacle to our felicity, and the only way to surmount or remove obstacles is to increase our power. Absent the organizing power of formal society and the sustained institutions of law and politics, we slide into a state of nature that is nothing more than a ‘‘war of all against all,’’… wherein natural life is ‘‘solitary, poor, nasty, brutish and short.’’
ሆብስ፤ የሰው ልጅ በተፈጥሮው ክፉ ነው ጥፋት፣ ክፋት፣ ምቀኝነት፣ ቀማኛነት፣ ጉልበተኛነት ተፈጥሯዊ ባህሪዎቹ ናቸው ብሎ ያምናል። በዚህ ተፈጥሯዊ ህይወቱ መውደምና መተላለቅ፣ የሰው ልጅ ግብ ነው ብሎ ያምናል። ነገር ግን መውደምና መተላለቅ ለጉልበተኛውም ለደካማውም ስለማይበጅ፤  ከዚህ  ተፈጥሯዊ  እልቂት  የሚገላግለው ማህበራዊ ውል ያስፈልገዋል። ይህ ማህበራዊ ውል ደግሞ የሁሉንም ጥቅም /interest/ የሚያስከብር ጉልበተኛ መሆን አለበት። ጉልበተኛው የበለጠ ተጠቃሚ እንዳይሆንና ደካማው የድካሙ ፍሬ ተጠቃሚ እንዲሆን ሁሉም “እኩል” ሆነው የሚገዙበት የጥቅም ውል መመስረት ይኖርባቸዋል። ለሆብስ መንግስት መመስረት ያለበት፣ ይህንን የጥቅም ውል ለማስጠበቅ ነው። ይህንን መንግስት ደግሞ ሆብስ ሌዋታን (Leviathan) ይለዋል።
በአባቶቻችን ትምህርት መሰረት፤ የህይወት ማስገኛ ምንጭ የሆኑ ሁለት ደመ ነፍስ እንስሳት አሉ። አንደኛው ብሔሞት ሲሆን ሁለተኛው ደግሞ ሌዋታን/ Leviathan ነው። ብሔሞት የምድር ላይ እንስሳት ሁሉ አስገኝ እናት ሲሆን ሌዋታን ደግሞ የውሃ ውስጥ እንስሳት አስገኝ እናት ነው ማለት ነው። ይህ መጽሐፍ ቅዱሳዊ ትምህርት ነው። ሆብስ፤ ሌዋታን ብሎ እርሱ ለሚፈላሰፍበት የመንግስት ሥርዓት ሥያሜ የሰጠው ከዚህ መጽሐፍ ቅዱሳዊ ትምህርት በመነሳት ነው። ምክንያቱም ሌዋታን እጅግ ግዙፍ፣ የሁሉም የውሃ ነፍሳት እናት የሆነ፣ ማንም የማይፎካከረው ገዥ ስለ ሆነ ነው። “Leviathan stands over prideful humanity as a mortal god, preserving order and ensuring equity through the ‘‘awe’’ and ‘‘terror’’ of a common power capable of controlling our prideful inclinations.”  ይሉታል፤ የፖለቲካ ፈላስፎችና ተንታኞች።
ዛሬ ዛሬ በአፍሪካችን የምናየው የመንግስት ሥርዓት የሆብስን ሃልዮት ዋቢ ያደረገ ይመስላል። የብሔሮችን ጥቅም ለማስከበር የቆምኩ ነኝ እያለ ሲለፍፍ እንሰማለንና፣ የጥቅም ውል ነው ልንለው እንችላለን። “የብሔሮችን ጥቅም የሚያስከብረው የኔ መንግስት ባይኖር፣ እርስ በርስ ትተላለቃላችሁ፤ ትልቁ አሣ ትንሹን አሣ እየበላ በመጨረሻም የትልቁ አሣ እጣ ፈንታ የሚበላው አጥቶ በረሃብ መሞት ይሆናል” ይለናል፤ መንግስታችን። a ‘‘war of all against all,’’
ስለሆነም ህገ መንግስታችን የህልውናችን መሠረት ነው ይላሉ፤ የአፍሪካ መንግስታት። ይሄን ሃሳብ ለመመስረት ይረዳቸው ዘንድ ህገ መንግስቶቻቸው በመግቢያው ላይ የሃገራችን ህዝቦች፣ ብሔሮችና ብሔረሰቦች” ብሎ ማተት ይጀምራል። ይህን ‹‹ኦሪት ዘ አፍሪካ መንግስታት›› ልንለው እንችላለን፡፡ በመጀመሪያ ሁሉም የተከፋፈለ ነበረ፤ ከዚያም እንደተከፋፈሉ የሚኖሩበትን ህግ ለማጽናት ጽሕፈት መጻፍን ተለማመዱ፥ ተለማምደውም አልቀሩ፤ በጥራዝ አሳተሙት፡፡
የሆብስ ፍልስፍና ይበልጥ የሚንጸባረቅባቸው የአፍሪካ መንግስታት ገና ጨቅላ እያሉ ‹‹የጠላቴ ጠላት ባልንጀራዬ ነው›› በሚል ብሒል፣ በአቋም ከማይመስሏቸው ጋር በመተባበር ጠላታችን የሚሉትን ተባብረው ይደመስሳሉ። ጠላቴ ከሚሉት ጋር ተነጋግሮና ተመካክሮ ልዩነትን ማጥበብ ያልቻለች የአፍሪካ መንግስት፤ እንደ ሌዋታት ሁሉንም ውጣ ‹‹ዋጤ››ማንነቷን አስመስክራለች- አፍሪካችን። የመዋጥ አባዜ እጅግ ሲጠናወታት ደግሞ የውስጥ ብዙ ታጋይ ልጆቿንም ሰበብ እየፈለገች ውጣለች። ከማንም ጋር ለመደራደርና ስልጣን ለመጋራት ስለማይፈልጉ፣ አብዛኞቹ የአፍሪካ መንግስታት የምርጫ ዘመናቸው ከመጠናቀቁ በፊት ለተጨማሪ የስልጣን ዘመን መደላደያ የህገ መንግስት ማሻሻያቸውን ያጠናቅቃሉ። ከዚያማ አድዮስ! በልጅነታችን በእድሜ ከምንበልጣቸው ልጆች የሚያምር መጫወቻ ለመንጠቅ እንደምንጠቀምባት ዘዴ ሁሉ፣ ‹‹ውርስ ለመንግስት›› ትባላለህ። መንግስትነት በቤተ አዝማዳት አሊያም ከቤተ ፓርቲ አትነቀልም።
የልጅነት ባህሪን ለመቀየር እንደ እሳተ ገሞራ የሚፈነዳ እጅግ ጠንካራ ኃይል ያስፈልጋል፡፡ ያለበለዚያ የተሳሳተው ልማዳችን እንደ ትክክለኛ ባህሪ ስለሚዋሃደን ነቅሰን ለማውጣት እንቸገራለን። “እናቴ ምነው በእንቁላሉ በቀጣሽኝ ኖሮ” እንዳለው የበሬ ሌባው። በእንቁላል ስርቆት ጊዜ ያልተቀጣ ሰብዕና፤ በሬውንም ሲሰርቅ የሚያዝና ሞት የሚፈረድበት አይመስለውም። ልክ እንደዚሁም በልጅነቷ ሁሉንም መጠቅለል የለመደች አፍሪካችን፤ ይባስ ብላ የአብዛኛው የአፍሪካ የምርጫ ውጤቶችን “መቶ በመቶ” አድርሳለች። ለዚህ መቼም ምንም ትንታኔ አይሰጠውም፤ እንደው ዝም ብሎ “ነፍስ ይማር” ነው የሚባል።
ሩሶ፤ በሌላ በኩል ደግሞ ከጥቅምና ከንብረት ማስከበር ሁሉ የሚቀድመው የሰው ልጅ ነጻነትና መብት ነው ብሎ ያምናል። የሰው ልጅ የቁሳቁስና የንብረት ጥገኛ ሳይሆን፣ ህልውናው የተመሰረተው ነጻነቱና ተፈጥሯዊ መብቱ ላይ ነው ይለናል። ለሩሶ፤ ሰውን ሰው ያደረገው የበጎ ፈቃድ ባለቤት በመሆኑ እንጅ እንደ እነ አርስጣጣሊስ አባባል፣ የምክንያት ባለቤት በመሆኑ አይደለም። ስለሆነም ለሩሶ የመንግስት ተቀዳሚ ተግባር መሆን ያለበት፣ የህብረተሰቡን ነጻነትና መብት ማስከበር ነው። ‘‘How will the individual in society manage to engage one’s ‘‘own force and liberty’’ without causing harm to himself ?’’ …find a form of association which defends and protects with all common forces the person and goods of each associate, and by means of which each one, while uniting with all, nevertheless obeys only himself and remains as free as before? This is the fundamental problem for which the social contract provides the solution.
የኛ ማህበረሰብ የመንግስት አመሰራረቱ  ጥንታዊ ስለሆነ መሰረቱን በመብት ላይ አሊያም በጥቅም ላይ ያድርገው አጥርተን አልተረዳነውም። በሰሜን ከክርስቶስ ልደት አንድ ሺህ ዓ.ም. የሚደርስ ረጅም የመንግስት ሥርዓት አለን፤ በደቡብም እንዲሁ የጥያ ትክል ድንጋይና የጋሞ ድንጋይ ካብ አጥር፣ በጣም ጥንታዊ ማህበረሰባዊ መዋቅርና ውል ስለመኖሩ ምስክሮች ናቸው። የጅማው አባ ጅፋሮች ሥርዓት፣ የሐረሩ ኢማማዊና ሱልጣን ሥርዓትን ጨምረን መጥቀስ እንችላለን። በእኔ ግምት፣ ሃይማኖታዊና መንፈሳዊያን ስለሆንን፣ አንዳች መለኮታዊ የመንግስት መንበር ላይ የተመሰረትን ይመስለኛል። የአባ ገዳ ሥርዓቱ፣ የሞ አንበሳው፣ የመሣፍንቱ፣ የነካዎ፣ የነዴቡሣም፣ የሡልጣኑ፣ የኢማሙ፣ የዋቆው፣ የመኳንንቱ፣ የጦና፣ የሻሬሮ፣ የአባ ቆሮ፣የነፍጠኛው የስንቱ መንፈስ ሁሉ… ወዘተ ካልተባለ፣ ስንቱ ተጠቅሶ ይዘለቃል በዚች ሃገር ላይ። አሁን አሁን፣ እንደ ሌዋታን ታላቅ ሆኖ የሚያስከብረን ዘውድ ይናፍቀኝ ጀማምሯል። የኢትዮጵያን እሴቶቿን ጠንቅቆ የተረዳና ጥቅሟን የሚያስከብር ዘውድ፤ መብትን የማይፈረፍር፣ የምዕራብንም ፍርፋሪ የማያራግፍብን፣ እኛነታችንን ከእነሙሉ መብታችን የሚጠብቀን ዘውድ።

አዲስ አማስ 

Written by  ደረጀ ኅብስቱ dhibistu@gmail.com

ኢህአዴግ በተለመደው ይቀጥላል ወይስ ራሱን ያስተካክላል?

ባለፈው ሳምንት ጽሁፌ በገለጽኩት ሁኔታ ኢህአዴግ የሀገሪቱን የፖለቲካ መድረክ ሙሉ በሙሉ በመቆጣጠር፣ ተቃዋሚ ፓርቲዎችን የእግር መትከያ ቦታ ካሳጣቸው በኋላ፣ በእንቅርት ላይ ጆሮ ደግፍ እንደሚባለው፣ በየዓምስት አመቱ “ኑ እንፎካከር” የሚላቸው ራሱ የሚያቅደው፣ ራሱ የሚቆጣጠረውና፣ ራሱ የሚያስፈጽመው “ምርጫ” የሚመስል ብሔራዊ ምርጫ አዘጋጅቶ ነው፡፡
እንደ እውነቱ ከሆነ፣ በከፍተኛ የስራ አጥነት፣ ስር በሰደደና ፈርጀ ብዙ በሆነ የመልካም አስተዳደር እጦት፣ ፍትህ በጎደለው የኢኮኖሚ ተጠቃሚነት፤ እንዲሁም በከፍተኛ የሰብአዊና የዲሞክራሲ መብቶች ጥሰት የተነሳ ዜጎቹ ከፍተኛ ቅሬታ አድሮባቸው፣ በእጅጉ የተቀየሙት ገዢ ፓርቲ፤ በነፃ ምርጫ ከ99% በላይ የህዝብ ድምጽ አግኝቶ ያሸንፋል ብሎ ማሰብ እጅግ በጣም አስቸጋሪ ነገር ነው፡፡ ማናቸውም አይነት ገዢ ፓርቲ፣ 99% የህዝብ ድምጽ አግኝቶ ማሸነፍ የሚችለው፣ ብቻውን ከተወዳደረ አለያም ምርጫውን ከሂደቱ እስከ መጨረሻ አፈፃፀሙ ድረስ ሙሉ በሙሉ ከተቆጣጠረው ብቻ ነው፡፡
ኢህአዴግም በግንቦት ወር 2007 ዓ.ም በተካሄደው አምስተኛው ብሔራዊ ምርጫ፣ 99.6% ድምጽ በማግኘት፣ በኢኳቶሪያል ጊኒ ዲሞክራቲክ ፓርቲ በ2005 ዓ.ም ተይዞ የነበረውን የአፍሪካ የምርጫ ውጤት ሬከርድ መስበር የቻለው፣ ይህን ዘዴ በመጠቀም እንደሆነ ለሁላችንም ግልጽ ነው፡፡
ላለፉት 30 ዓመታት በስልጣን ላይ የቆየውና በፕሬዚዳንት ቴወዶሮ ኦቢያንግ ምባሶጎ የሚመራው የኢኳቶሪያል ጊኒ ዲሞክራቲክ ፓርቲ፣ በ2005 ዓ.ም በተካሄደው ብሔራዊ ምርጫ ያሸነፈው፣ 99% ድምጽ በማግኘት ነው፡፡ ይሄው ፓርቲ ከሴኔት ምክር ቤት 70 መቀመጫዎች 69፣ ከተወካዮች ምክር ቤት፣ መቶ መቀመጫዎች ደግሞ ዘጠና ዘጠኙን አሸንፏል፡፡
ፕሬዚዳንት ቴወዶሮ ኦቢያንግ ምባሶጎ፤ ከሰላሳ ዓመት በፊት ፕሬዚዳንት የነበሩትን አጎታቸውን ደም ባፈሰሰ መፈንቅለ መንግስት አስወግደው ስልጣን ከያዙ በኋላ፣ የኢኳቶሪያል ጊኒን የፖለቲካና የኢኮኖሚ ሁኔታ በተሻለ ለሚያውቅ ሰው፣ ፓርቲያቸው 99% ድምጽ አግኝቶ፣ የ2005ቱን ምርጫ ማሸነፉ፤ እርሳቸውም በ2008 ዓ.ም የተካሄደውን ፕሬዚዳንታዊ ምርጫ 93.53% ድምጽ አግኝተው መመረጣቸው፣ ጨርሶ ሊያስገርመው አይችልም፡፡
ምነው ቢባል፣ ላለፉት 30 ዓመታት የገነቡት የፖለቲካ ስርአት የአውራ ፓርቲ ስርአት ብቻ ሳይሆን የእሳቸውን ፈላጭ ቆራጭ ፕሬዚዳንትነት፣ በሀገራቸውና በህዝቡ ላይ ያረጋገጠ ስርአት በመሆኑ ነው፡፡ ፕሬዚዳንት ቴወዶሮ ኦቢያንግ ምባሶጎ፤ ይህን የመሰለውን የአውራ ፓርቲና የፈላጭ ቆራጭ፣ ፕሬዚዳንታዊ አመራር ስርአት ሲገነቡ፣ የፖለቲካም ሆነ የኢኮኖሚ ተቀናቃኞቻቸው እጣ ፈንታ ምን እንደነበር ለታሪክ ነጋሪዎች የተተወ ነው፡፡
በዚህ የተነሳም የኢኳቶሪያል ጊኒ ህዝብ፣ ገዢውን የኢኳቶሪያል ጊኒ ዲሞክራቲክ ፓርቲና ፕሬዚዳንቱን ድምፁን አሰምቶ መቃወም ይቅርና ለማሞገስ እንኳ ፈጽሞ የማይደፍር፣ በከፍተኛ ፍርሀት የተዋጠ ህዝብ መሆኑ፣ በድፍን አለሙ የታወቀ ነው፡፡
ዛሬ ገዥው ፓርቲ በሁሉም ነገር ከሀገሪቱና ከህዝቡ በላይ ነው፡፡ ፕሬዚዳንት ቴወዶሮ አቢያንግ ምባሶጎ ደግሞ ከፓርቲው በላይ ናቸው። በነዳጅ ዘይት ሀብት የበለፀገችው የኢኳቶሪያል ጊኒ ኢኮኖሚ ደግሞ የብሉምበርግ ቴሌቪዥን የኢኮኖሚ ተንታኝ አምና ሰኔ ወር መጀመሪያ ላይ፤ እንዳለው፤ “የኢኳቶሪያል ጊኒ ኢኮኖሚ ከሚባል ይልቅ የፕሬዚዳንቱ፣ የቤተሰባቸውና የገዢው ፓርቲ ከፍተኛ ባለስልጣናት ኢኮኖሚ ቢባል ይቀላል”፡፡
የእኛም ሀገር ሁኔታ ከዚህ ብዙም የተለየ አይደለም፡፡ በሁሉም ነገር ቢሆን ኢህአዴግ ከሀገሪቱና ከህዝቡ በላይ እንደሆነ አሳምረን የምናውቀው ጉዳይ ነው፡፡ የሀገሪቱን ኢኮኖሚ በተመለከተም ሙሉ በሙሉ እንኳ ባይሆን በአብዛኛው ኢህአዴግ ባቋቋማቸው ግዙፍ የንግድ ድርጅቶችና ባጠገቡ በተኮለኮሉ የኢኮኖሚ ተዋናዮች ቁጥጥር ወይም የበላይነት ስር የወደቀ ነው፡፡ ይህን የምለው እንዲያው ለሀሜት ሳይሆን፣ ከራሱ ከኢህአዴግ የዘንድሮው “የጥልቅ ተሀድሶ” ግምገማዎቹ በመነሳት ነው፡፡
ኢህአዴግ በመላ ሀገሪቱ ከመድብለ ፓርቲ ዲሞክራሲያዊ ስርአት ይልቅ እሱ ብቻ የሚገንበት የአውራ ፓርቲ ስርአት የመገንባት አላማውን ለማሳካት ከወሰዳቸው ወሳኝ እርምጃዎች አንዱ፣ በዜጎች ሀሳብን በነፃነት የመግለጽ ህገ መንግስታዊ መብት ላይ የተለያዩ ገደቦችና ክልከላዎችን በማበጀት፣ የሀገሪቱን የሚዲያ ምህዳር ሙሉ በሙሉ በቁጥጥሩ ስር ማድረግ ነው፡፡
የድህረ – ደርግ ኢትዮጵያን የፕሬስ ነፃነት ሁኔታ፣ በአንድ አረፍተ ነገር ግለፁ ቢባል፣ ከሁሉም የተሻለው አገላለጽ፤ “እንደተወለደ አረፈ” የሚለው ነው፡፡ በኢህአዴግ አገዛዝ የመጀመሪያ አመታት የተለያየ ይዘት ያላቸው በርካታ የግል ጋዜጦችና መፅሄቶች ታትመው መውጣትና የተለያየ የፖለቲካ አቋም የሚያንፀባርቁ ጽሁፎችን ማስተናገድ መጀመራቸው በአብዛኛው ህዝብ ዘንድ ይበል ተብሎለት ነበር፡፡
ግሪካውያን፤ “የትንግርት እድሜ ዘጠኝ ቀን ነው” እንደሚሉት፣ ይህ አዎንታዊ ሁኔታ እንደ አጀማመሩ ለመዝለቅ አልታደለም፡፡ የኢህአዴግ ጠንካራ የቁጥጥር መዳፍ ያረፈበት ገና ከጅምሩ ነው፡፡
ኢህአዴግ ቀድሞውኑ ከሱ ፍላጎት በተቃራኒ የሚቆምና ተቃራኒ አመለካከቶችን በሚገባ የሚያስተናግድ የፕሬስ ውጤትን ‹አርሂቡ› የሚልበት ፍላጎትም አንጀትም ፈጽሞ አልነበረውም። እናም የፕሬስ ነፃነትን በተመለከተ ባለፉት 25 ዓመታት ያወጣቸው የተለያዩ አዋጆች፣ በሀገሪቱ የፕሬስ ነፃነት ላይ የተለያዩ ክልከላና እገዳዎችን በመጣል ላይ ያተኮሩ ናቸው፡፡
በእነዚህ ከልካይና አጋጅ አዋጆች የተነሳ፣ የጋዜጠኞች በተለይም የግል ፕሬስ ጋዜጠኞች የእለት ተዕለት እጣ ስደትና፣ በአሸባሪነት ክስ ዘብጥያ መውረድ፤ የግል ጋዜጣና መጽሄቶች ህልውናም በየቀኑ መክሰም ብቻ ሆነ፡፡
ስለ ዲሞክራሲያዊ መብቶች መከበር ምሎ መገዘት የማይሰለቸው ኢህአዴግ፤ በ25 ዓመት የአገዛዝ ዘመኑ መቶ ሚሊዮን ህዝብ ላላት ሀገር፣ ያተረፈላት ጋዜጣና መጽሄቶች የእጅ ጣቶችን እንኳ የማይሞሉ መሆናቸው ሀፍረት ላይ እንደጣለው ግልጽ ነው፡፡ ይሁን እንጂ ሁኔታውን ተረድቶ ለማስተካከል ከመሞከር ይልቅ ለኢህአዴግ ቀላል የሆነለት ችግሩን በሌሎች ላይ ማመካኘት ነው፡፡ ኢህአዴግ የፕሬስ ነፃነትን እለት ተዕለት በማቀጨጭ የፈፀመውን ትልቅና አሳዛኝ ስህተት፣ “ከደሙ ንፁህ ነኝ” በሚል እንደ ጲላጦስ እጁን ለመታጠብ የሚሞክረው፣ “ባለፉት 25 ዓመታት የፕሬስ ነፃነትን መሰረት ለማስያዝና ለማጠናከር የሚያግዙ አዋጆችና ድንጋጌዎች ተግባራዊ ቢደረጉም የአገሪቱ የፕሬስ እንቅስቃሴ ግን የሚፈለገውን ያህል አልተጠናከረም፡፡” በማለት ነው፡፡
ነገሩ በዚህ ብቻ አያበቃም፡፡ የሀገሪቱን ሚዲያ ሙሉ በሙሉ በቁጥጥሩ ሥር ማድረግ የፈለገው ኢህአዴግ፤ ሁሉንም ወገን በፍትሃዊነት ማገልገል የሚገባቸው የህዝብ የብዙኃን መገናኛ ተቋማት ለተፎካካሪ ፓርቲዎች በራቸውን መክፈት እርም ይሁንብን እንዲሉ አደረጋቸው፡፡ ይባስ ብሎም እነዚህ የሚዲያ ተቋማት በቅጡ ባልተረዱት፣ “ልማታዊ ጋዜጠኝነት” ሰበብ የጧት ማታ ስራቸው፣ በኢህአዴግ የልማት ስኬት እስክስታ መውረድ ብቻ ሆነና፣ የህዝቡን የቀን ተቀን ህይወት የገሀነም ያህል ያከበዱበትን ቁጥር ስፍር የሌላቸው የፖለቲካ፣ የኢኮኖሚና የማህበራዊ ኑሮ ችግሮች ይፋ እንዲሆኑና በጊዜ መላ እንዲፈለግላቸው ለማድረግ ጊዜ የሚያጥራቸው ሆኑ፡፡
ኢህአዴግ የሚለውን ደግሞ ደጋግሞ ከማነብነብና አሰልቺ በሆነ “የልማታዊ ጋዜጠኝነት” ፕሮፓጋንዳ ከመባዘን ውጪ የተለዩ አማራጭ ሀሳቦችን ማቅረብ ሳይሆን ለማቅረብ መሞከር እንኳ በእነዚህ ተቋማት ዘንድ እንደ አይነኬ ወይም እንደ ነውር የሚቆጠር ሆነ፡፡
ህዝብ በሚከፍለው ታክስ የህልውና እስትንፋሳቸው የቆመው እነዚህ “የህዝብ ብዙኃን መገናኛ ተቋማት፤ ጭንቀቱን ጭንቀታቸው፣ ብሶቱን ብሶታቸው ጨርሶ እንዳላሉት የተረዳው ህዝብም፤ ቀስ በቀስ ልቡንና ቀልቡን ለውጭ ሀገር ሚዲያዎች፣ በውጪ ሀገር ለሚሰራጩ የሚዲያ አውታሮችና ለኢንተርኔት የማህበራዊ ሚዲያዎች ከፍቶ ሰጠ፡፡
ነፃና ጠንካራ የሲቪል ማህበራት፣ ለዲሞክራሲ ስርአት ግንባታ የራሳቸውን ገንቢ ሚና መጫወት እንደሚችሉ መናገር፣ የአንባቢን ንቃተ ህሊና አለአግባብ እንደ መሞገት ይቆጠራል፡፡ የሲቪል ማህበራት በሚንቀሳቀሱባቸው ክልሎች፣ ህዝቡ በተለይም የገጠር ነዋሪዎች ህገ መንግስታዊ ግዴታቸውን ብቻ ሳይሆን ሰብአዊና ዲሞክራሲያዊ መብቶቻቸውንም ጭምር ጠንቅቀው እንዲያውቁና ጥቅም ላይ እንዲያውሉ በማድረግ ረገድ ቀላል የማይባል ተግባር ከውነዋል። ይህ ተግባራቸው በተለይ በምርጫ 97 ምን ዓይነት ለውጥ እንዳመጣ በአብዛኞቻችን ዘንድ የታወቀ ነው፡፡
ይሁን እንጂ አንዳንድ “ምሁራን” በተለይ ከ1997 ዓ.ም ወዲህ፣ “ሲቪል ማህበራት ለዲሞክራሲ ግንባታ የራሳቸው ዋጋ ቢኖራቸውም ባልተገባ መንገድ ሲተገብሩት ይታያሉ” የሚል ወቀሳ በተደጋጋሚ ያቀርባሉ፡፡ ይህን የ “ምሁራን” ወቀሳ፣ ኢህአዴግም ሙሉ በሙሉ ይጋራዋል፡፡
አስገራሚው ነገር፣ ኢህአዴግ የምሁራኑን ወቀሳ መጋራቱ ሳይሆን ለወቀሳው የሰጠው ተግባራዊ ምላሽ ነው፡፡ ኢህአዴግ ለዚህ ወቀሳ የሰጠው ምላሽ፣ ሲቪል ማህበራት ያልተገባ ነው የተባለውን መንገዳቸውን አስተካክለው በዲሞክራሲ ስርአት ግንባታ ሂደቱ፣ ገንቢና ተገቢ ሚና መጫወት እንዲችሉ አስፈላጊውን እገዛ ማድረግ ሳይሆን የማያላውስ አሳሪ ህግ በማውጣት፣ ፋይዳ ያለው ነገር እንዳይሰሩ፣ ማሽመድመድና ድራሻቸውን ማጥፋት ነው፡፡
ኢህአዴግ በሲቪል ማህበራት ላይ ባወጣው ህግ፣ የምርጫ 97 ቂሙን በመወጣት፣ የልቡን ማድረስ ችሏል፡፡ የሲቪል ማህበራት፤ በሀገሪቱ የዲሞክራሲ ስርአት ግንባታ ሂደት መጫወት የሚችሉትን ገንቢ ሚናና ሀገሪቱም ሆነ ህዝቧ ከዚህ ሊያገኙ የሚገባቸውን ትልቅ ጥቅም ግን ያለ አንዳች የኃላፊነት ስሜት ገድሎባቸዋል፡፡
እንግዲህ ላለፉት 25 ዓመታት እስካሁን ከሞላ ጎደል ባየነው አይነት መንገድ የተጓዘው ኢህአዴግ፤ በሀገሪቱ የመድብለ – ፓርቲ ዲሞክራሲያዊ ስርአት ሳይሆን በራሱ የሚመራ የአውራ ፓርቲ የፖለቲካ ስርአት በመገንባት እንዳሻው ሆኗል፡፡
ይሁን እንጂ ይህ 25 ዓመት ሙሉ የተደከመበት የአውራ ፓርቲ የፖለቲካ ሥርአት የማታ የማታ ውጤቱ ምን እንደሆነ፣ እያገባደድነው ያለው ዓመት በግልጽ አሳይቶናል፡፡ ቀጣዩና ወሳኝ የሆነው ጥያቄ፤ “ኢህአዴግ የተሀድሶ ቀልዱን አቁሞ፣ የመድብለ ፓርቲ ዲሞክራሲያዊ ስርአት ግንባታ ሂደቱን የምር ይጀምራል ወይስ ውጤቱ በታየው የአውራ ፓርቲ የፖለቲካ ስርአት መጓዙን ይቀጥላል?”  የሚለው ነው፡፡ ሁሉንም አብረን የምናየው ይሆናል፡፡

አዲስ አድማስ ነጻ አስተያየት

ምስል ዛጎል

ኦሮሚያ ክልል የተቃዋሚ አመራሮችን ማስፈታት ከአቅሜ በላይ ነው አለ

በኦሮሚያ በርካታ ከተሞች የንግድ አድማ 4ኛ ቀኑን ይዟል

merera

በማህበራዊ ሚዲያዎች ከረቡዕ ጀምሮ ለ5 ቀናት የተጠራው የንግድ መደብሮችን የመዝጋትና የትራንስፖርት አገልግሎትን የማቋረጥ አድማ፣ በበርካታ የኦሮሚያ ከተሞች ዛሬ 4ኛ ቀኑን እንደያዘ ምንጮች ጠቁመዋል፡፡
የአሜሪካ ድምፅ ሬዲዮን ጨምሮ አፍሪካን ኒውስ ድረ-ገፅ እንደዘገቡት፤ በአንዳንድ ከተሞች የንግድ መደብር ባለቤቶችና የትራንስፖርት አገልግሎት ሰጪዎች በግድ እንዲሰሩ የተደረጉ ቢሆንም በአብዛኞቹ ከተሞች ግን የንግድ  አድማው ቀጥሏል፡፡ ንግድ ቤቶች ተዘግተውና የትራንስፖርት አገልግሎት ተቋርጦ፣ ከቤት ባለመውጣት ለሚደረገው አድማ በምክንያትነት ከሚጠቀሱት ጉዳዮች መካከል፣ “በነጋዴው ላይ ከአቅም በላይ ግብር ተጥሏል”፣ ”የፖለቲካ እስረኞች ይፈቱ”፣ “ፖለቲካዊና ማህበራዊ የህዝብ ጥያቄዎች ይመለሱ” የሚሉ እንደሆነ ምንጮች ለአዲስ አድማስ ገልጸዋል። አድማው በተጨማሪም፤ “የታሰሩት የኦፌኮ አመራሮች ዶ/ር መረራ ጉዲና፣ በቀለ ገርባ ይፈቱ”፣ “የድንበር ግጭት ይቁም” የሚሉ ጥያቄዎችን ያነገበ እንደሆነም የተለያዩ ዘገባዎች  ጠቁመዋል፡፡
በተለይ በሰበታ፣ ቡራዩ፣ ወሊሶ፣ አምቦ፣ ነቀምት፣ ሮቤ፣ አወዳይ፣ ጭና ቅሰን፣ ሻሸመኔና በሌሎችም ከተሞች አድማው ሲደረግ መሰንበቱ ታውቋል፡፡ በአብዛኞቹ የክልሉ ከተሞች የንግድ እንቅስቃሴዎች በእጅጉ መዳከማቸውም ተጠቁሟል፡፡
“በአድማው መሳተፍም አለመሳተፍም ጭንቅ ሆኖብናል” ያሉ አንድ የነቀምቴ ከተማ ነዋሪ፤ ”የመንግስት ኃይሎች በግዳጅ ወደ ስራ ውጡ ይሉናል፤ አድማ ጠሪዎችም በፊናቸው የአድማው ተባባሪ ያልሆነ ላይ እርምጃ እንደሚወሰድ አስጠንቅቀዋል፤ በእውነቱ ግራ የሚያጋባ ሆኖብናል” ብለዋል- ለአዲስ አድማስ፡፡
ከዚሁ አድማ ጋር በተያያዘ ባለፈው ረቡዕ፣ በሃረር አወዳይ፣ ሲንቀሳቀስ ነበር የተባለ አንድ ተሽከርካሪ ላይ ጉዳት መድረሱ ተነግሯል፡፡ በሌላ በኩል፤ ከትናንት በስቲያ እኩለ ቀን ላይ በጅማ ከተማ የፈነዳ ቦምብ፣ በ13 ሰዎች ላይ ጉዳት ማድረሱ ታውቋል፡፡ ቦምቡ ባልታወቀ ግለሰብ፣ በሁለት ህንፃዎች መካከል ተወርውሮ፣ በአካባቢው ሲተላለፉ በነበሩ ግለሰቦች ላይ ቀላል ጉዳት አድርሷል – የዜና ምንጮች እንደዘገቡት፡፡
የአስቸኳይ ጊዜ አዋጁ ከተነሳ በኋላ በተለይ በኦሮሚያ ክልል እየታየ ያለው ውጥረት አሳሳቢ መሆኑን የሚገልጹ አንጋፋ ፖለቲከኞች፤ መንግስት የችግሩን አሳሳቢነት ተገንዝቦ፣ አፋጣኝ መፍትሄዎችን መሻት እንዳለበት መክረዋል፡፡
ህዝቡ የሚያቀርባቸውን ጥያቄዎችና ተቃውሞዎች በተመለከተ የኦሮሚያ ክልል ፕሬዚዳንት አቶ ለማ መገርሳ በቅርቡ ሲናገሩ፤ “የህዝባችንን ጥያቄዎች እግር በእግር እየተከተልን መፍትሄና ምላሽ ከመስጠት ውጭ አማራጭ የለንም” ማለታቸው አይዘነጋም፡፡ በኦሮሚያ ከተሞች ከረቡዕ ጀምሮ የተጠራው አድማ፣ እንደተባለው በ5 ቀናት የሚያበቃ ከሆነ፣ ነገ እሁድ የመጨረሻው ቀን እንደሚሆን ይጠበቃል፡፡
የኦሮሚያ ክልላዊ መንግስት ኮሚኒኬሽን ጉዳዮች ሀላፊ አቶ አዲሱ አረጋ ፤ትናንት ማምሻውን በማህበራዊ ድህረ-ገፃቸው ባሰራጩት መረጃ፣ በኦሮሚያ ክልል ከሚገኙ 315 ወረዳዎች ውስጥ በ29 ወረዳዎችና  በ4 ትልልቅ የክልሉ ከተሞች አድማ መካሔዱን አረጋግጠዋል፡፡
ከአድማው አጀንዳዎች መካከል የታሰሩ የኦፌኮ አመራሮች ይፈቱ የሚለው አንደኛው መሆኑን የገለጹት አቶ አዲሱ፤ የአመራሮቹ የህግ ጉዳይ በፌደራል ደረጃ ያለ መሆኑን ፣ ነገር ግን ነቀምት ላይ ተካሄዶ በነበረው ስብሰባ የአካባቢው ማህበረሰብ ለጠይላይ ሚኒስትር ኃ/ማርያም ጥያቄውን አንስተውላቸው “ለጉዳዩ መፍተሔ የሚሰጠው ህግ ነው” የሚል ምላሸ መስጠታቸውን በመጠቆም የአመራሮቹ የእስር ጉዳይ ከክልሉ አቅም በላይ መሆኑን አስታውቀዋል፡፡ የኦሮሚያ ክልላዊ መንግስት ይቅርታ ትልቅ ቦታ እንዳለው ያምናል› ያሉት አቶ አዲሱ፤ በዚህም መሰረት በክልሉ ከአመፅ ጋር በተገናኘ፣በቁጥጥር ስር ውለው የነበሩ ከ22 ሺ በላይ እስረኞችን በይቅርታ መፍታቱን ተናግረዋል፡፡
የኦሮሚያ ተጨማሪ ምክንያቶች ለሆኑት የግብር ጉዳይና በኦሮሚያ እና ሶማሊያ ድንበር መካከል ስላለው ግጭቶች የክልሉ መንግስት በየደረጃው እልባት በመስጠት ላይ መሆኑን አስታውቀዋል፡፡

አዲስ አድማስ 

ምስል ከክምችት

የተቃውሞ መከታተል መዋቅር ከናደ የ ” ዳቦ ተቆረሰ” ፖለቲካ ማየት ግድ ነው

በተደጋጋሚ በኦሮሚያና በአማራ ክልል የተደረጉትን ተቃውሞዎች ተከትሎ “አልተደራጀንም ፣ አላደራጀንም፣ የተቀናጀ አመራር የለም፣ … ” የሚሉት አስተያየቶች ይሰማሉ። ኢትዮጵያን ያዝ ለቀቅ የሚያደርጋት ተቃውሞና አመጽ መልኩን ሊቀየር ይችላል በሚል የሚጨነቁ ገሃድ ወጥተው ባይናገሩም በየአቅጣጫው ይደመጣሉ።በኢትዮጵያ የፖለቲካ ለውጥ አለያም ሽግሽግ ሊደረገ እንደሚገባ በጥቅል ስምምነት ቢኖርም፣ ይህ ለውጥ በሰከነ መንገድ፣ በሕዝብ ውስኔ እውን ሊሆን እንደማይችል ከድመዳሜ ተደርሷል።

merera

አገሪቱን መቶ በመቶ የመምራት ውክልና ከሕዝብ እንዳገኘ በመግለጽ መንበሩ ላይ የተቀመጠው ኢህአዴግ፣ ይህንን ባለ የወራት እድሜ ውስጥ ያጋጠመው መከራ የሕዝብ ወሳኝትን በአግባቡ መቀበል ግድ እንደሆነ አመላክቷል። ይሁን እንጂ ገዢው ኢህአዴግ ችግርና ተቃውሞ በተነሳበት ቁጥር ” ራሴን አድሳለሁ” ከማለት የዘለለ ፖለቲካዊ አማራጭ መቀበል ስለማይፈልግ ተቃውሞውና የሕዝብ ቁጣ እየጠነከረ፣ በአይነትም ለየት እያለ፣ በአቅምም እየከረረ፣ በውጤት ደረጃም ቀላል የማይባል ሰባዊና ቁሳዊ ቀውስ ማስመዝገብ ደረጃ ላይ ደርሷል። መቆሚያውና መድረሻውን ለመተንበይም አስችገጋሪ ሆኗል።

በተለይ በኦሮሚያና በአማራ ክልል አሁን ያለው የሕዝብ ስሜት የተበላሽ ይመስላል። ከትግራይ ክልል በስተቀር በአብዛኞቹ የአገሪቱ ክፍሎች በወቅቱ የፌደራል ስርዓት ትግበራ ላይ የሚታየው የስሜት መጎሽ ማስተባበያ የሚቀርበበት አይመስልም። ራሱ መንግስት በየዘርፉ ባሉት አካላቱና አንደበቶቹ ይህንኑ እውነት ያምናል። አምኗል። እያመነም ነው። ይሁንና የሚወሰዱት የማስተካከያ ርምጃዎች ይህንኑ የስሜት መጎሽ የሚያላዝቡ ሳይሆኑ የሚያባብሱ ናቸው።

” ሕዝብ ያነሳው ጥያቄ አግባብነት ያለው ነው፤ በየቀበሌው ሕዝብ ፊት ተቀመጠን መወያየት የማንችልበት ደረጃ ደርስናል…” በማለት አቶ ሃይለማሪያም ደሳለኝ የፓርቲያቸው መደብዛዙን መልክ በተደጋጋሚ አስታውቀዋል። ” ጥልቅ ተሃድሶ ” በሚል ይህንኑ የተበላሸውን የድርጅታቸውን ፊት የማስዋብ ስራ እንደሚሰሩ ቃል ገብተዋል። ሀገ መንግስት እስከማሻሻል የሚደርስ ድርድር ለማድረግ ቃል ገብተውም ነበር። የሁሉም ውጤት ሲታይ ግን የሚፈለገውን ውጤት ያመጣ አይመስልም።

አስተያየት ሰጪዎች እንደሚሉት ኢህአዴግ ራሱን የማደስና የማነጽ ስራ መስራት መብቱ ነው። ይህንን መብቱን ማንም ሊከለክለው አይችልም። ችግር የሚሆነው ኢህአዴግ በታመመ ቁጥርና ” መታደስ እፈልጋለሁ” ባለ ቁጥር ሕዝብ አስታማሚ እንዲሆን ማስገደዱና እሱ ከያዘው ካንሰር እስኪላቀቅ የኸው ሕዝብ ታግሶ እንዲጠብቅ መጨረሻ የሌለው የተጨማሪ ሰዓት መጠየቅ አለማቆሙ ነው። ለመጠበቅ ፈቃደኛ አይደለንም ያሉትን ደግሞ እሱ እስኪያገግም ማቆያና ማጎሪያ ማከማቸቱ ነው።

በዚህ መልኩ የሚነዳው የሕዝብ ጥያቄና የኢህአዴግ ” እኔ ብቻ ” የሚለው የጎሳ ፖለቲካ መስመር እያደር እየከረረ መሄዱን ምሁራን ብቻ ሳይሆኑ ተራ የሚባሉ ዜጎች የሚትቹበት ጉዳይ ነው። ” ተው” ሲባል አልሰማ ብሎ ሀወሃት ያራገበው የዘር ፖለቲካ ራሱን አደጋ ውስጥ እየከተተው አገሪቱንም ወደ አሳሳቢ መበታተን እየሳባት ነው። የዘር ፖለቲካና ዘረኝነት በቀላሉ የማይድን፣ የሰውን ልጀ ወደ አውሬነት የሚቀይር መርዝ መሆኑንን ከዓለም ተሞክሮ የተረዱ ስጋታቸው የሚያነጣጠረው እዚሁ አደጋ ላይ ነው።

ኢህአዴግ በየጊዜው የተፈተሩትን ችግሮች መስመር እንዳስያዘ ቢናገርም፣ በተጋባር የሚታየው የፖለቲካው ግለት የተተከለው በዘርና በክልል አስተሳሰብ ላይ ተመስርተው በሚደረጉ አመጾች ዙሪያ ነው። አንዳንዶቹ ዘር እየለዩ ” ፍለጠው፣ ቁረጠው” የሚል መፈክር ሲያስተጋቡም እየታየ ነው። እንዲህ ያለው መርዛማ አካሄድ አደገኛ ሆኖ ሳለ ኢህአዴግ ከዚህ ጽንፈኛንት የራቁና የጸዱትን ፖለቲከኞች ማሰሩ ለጽንፈኞቹ በሩን ወለል አድርጎ የመክፈትና እውቀና የመስጠት ያህል እንደሚቆጠርበት ገለለተኞች ይተቻሉ።

በኦሮሚያ ብቻ ሳይሆን በመላው የኢትዮጵያ ሕዝብ ዘንድ ታማኝ የሆኑና እውቅና የተሰጣቸውን የፖለቲካ ፓርቲ መሪዎችን እስር ቤት አጉሮ ለጽንፈኞች የመፈንጫ ሜዳ የፈቀደው ኢህአዴግ ውስኔውን ደግሞ ደጋግሞ ሊያጤን እንደሚገባው በሳል ፖለቲከኞች ይመክራሉ። ይህ ካልሆነ ግን አሁን በኦሮሚያ ሃያ ዘጠኝ ወረዳዎችን አዳረሰ የተባለው ተቃውሞ ነገ ደፍን ኦሮሚያን፣ አማራን፣ ደቡብን የማያካትትበት ምክንያት እንደማይኖር እነዚህ ክፍሎች ይናገራሉ። ቭግር እንኳን ቢከሰት እንዴት ለመቆጣጠር እንደሚቻል ከ ” ቄሮ ” በስተቀር የሚያውቅ የለም።

ዛሬ ኢትዮጵያ ” ተው ” ቢል እንኳን የሚሰማ አውራ ሰው የላትም ። ሽምግልናውም ቢሆን አገራዊ ወጉና አቅሙ ከስሟል።  በሃይማኖቱም ሆነ በፓለቲካው ዙሪያ ተሰሚነት ያላቸው፣ ሕዝብ የተቀበላቸውና አንቱ የሚላቸው መሪዎች አለመኖራቸው ከችግሮች ሁሉ በላይ እንደሆነ የሚናገሩ ክፍሎች ” ኢትዮጵያ ሳይመሽ ያላት አማራጭ እውነተኛ ፍትህ ያላበት እርቅ ማካሄድ ብቻ ነው” ይላሉ። ተሰሚነት ያላቸውን ፓርቲዎችና ፖለቲከኞች ያገለለ፣ እስር ቤት የከተተ የፖለቲካ ድርድር ፋይዳው ዜሮ እንደሆነም ይናገራሉ።

” የተበጁና ጉዳይ አስፈጻሚ የሆኑ ስብስቦችን ለቃቅሞ ስለድርድር ማውራት፣ ሲጀመር ከህዝብ ጋር ያለውን ልዩነት ማንቦርቀቅ ካልሆነ በስተቀር ጠቀሜታ የለወም ። ሕዝብ ሁሉን እያወቀ እንደማያውቅ አድርጎ ማሰብ ንቀት ነው ” ሲል ለዛጎል አስተያየቱን የሰጠው በፈረንሳይ ትምህርቱን በመከታተል ላይ ያለ የፖለቲካ ሳይንስ ባለሙያ ነው።

ለጊዜው ስሙ እንዳይጠቀስ የጠየቀው አስተያየት ሰጪ ” ኢህአዴግ አሁን ከፊቱ በርካታ የችግር ምሰሶዎች ተደቅነውበታል” ይላል። የአባል ድርጅቶቹ መንሸራተት ፣ የጎሳ ፖለቲካ ጣጣ፣ የምንዛሬ፣ የኢንቭስትመንትና የወጪ ንግድ ችግር፣ የቅርብ አጋሮቹ እምነት መሸርሸር፣ የረሃብ አደጋ ፣ ስራ አጥነት፣ ደህነት፣ ሙስና፣ ሲል በከፊል ይዘረዝራቸዋል። በዚህ ሁሉ ችግር ላይ ካለፈው የተቃውሞ ችግር ትምህርት አለመውሰድና የፖለቲካ እስረኞችን ማበራከት የአገሪቱን ችግር የሚያወሳስቡ ናቸው።

አሁን አገሪቱን ያጋጠማት ችግሮች ኢህአዴግ በፍጹም ብቻውን የሚወታቸው ባለመሆናቸው፣ የህዝብ እና “የተቀናቃኝ” ድርጅቶች ድጋፍ ግድ ነው። ይህ እንዲሆን ሁሉንም ወገኖች የሚያስማማ መንገድ ሊዘጋጅ እንደሚገባ፣ ይህ ሊሆን የሚችለው ደግሞ በፍጹም መተማመንና በሰለጠነ የእርቅ አስተሳሰብ ላይ በተመስረት ውይይት ተደርጎ ፖለቲካዊ መፍትሄ ሲፈለግ ብቻ ነእንደሆነ አስተያየት ሰጪው አመልክቷል።

” ችግሩ ሁሉም ተናጋሪና ተቺ እንጂ ሰሚና ሩቅ አሳቢ አለመሆኑ ነው” የሚለው የፖለቲካ ሳይንስ ባለሙያ  ” እየቆመ የሚበርደው ተቃውሞ አንድ ቀን ከቁጥጥር ውጪ ቢሆን ምን ይደረጋል?” ሲል ይጠይቃል።.ይህ በተበታተነ የእዝ ሰነሰለትና በማህበራዊ ሚዲያዎች ላይ የተመሰረተ ተቃውሞ እየዋለ ሲያድር ፈሩን ሊለቅ እነድሚችል ግምቱንም ያኖራል። ሲያስረዳ ” ተቃውሞው ሰው እየሞተ፣ እየታሰረ፣ ሲቀንስ ሳይሆን ሲባባስ ነው የሚታየው። ከዚህ በላይ ማሳያ የለም። በዚህ ደረጃ እያደገ ከመጣ፣ በጎረቤት አገሮች ካለው የፖለቲካ ቀውስና ከኢትዮጵያ ታሪካዊ ተላቶ ስሜት ጋር ተዳምሮ ችግሩ ወደ ከፋ መንገድ ሊያመራ እንደማይችል ማረጋገጫ የለም” አክሎም ” ኢህአዴግ የራሱን የፖለቲካ ጣጣ ለራሱ ድርጅት በመተው አገርና የውስጥ ችግርን በመለየት ወደ ፖለቲካ መፍትሄ ዛሬ ነገ ሳይባል ሊያመራ ግድ ነው” ይላል። ምክንያቱም አሁን በአገሪቱ የሚታዩት ኩነቶች ሙሉ በሙሉ የፖለቲካ ለውጥ አስፈላጊ መሆኑን አመላካች ናቸውና።

“ተቃዋሚ የሚባሉት” ይላል ይህ አስተያየት ሰጪ ” ብዙ መናገር አስፈላጊ ባይሆንም መሰረታዊ ልዩነታቸው ግልጽ ያልሆነ፣ ለምን ተግባብተው እንደማይሰሩ ምክንያት ማቅረብ የማይችሉ፣ ልዩነታቸውና አንድነታቸው ለመለየት የሚያስቸግር፣ የህዝብን ባህላዊና አብሮ የመኖር መስተጋብር የማይረዱ፣ ከልዩነታቸውም በላይ መዘላለፍ የሚቀናቸው፣ በትግል ጥሪና ተገኙ በሚባሉ ድሎች በባለቤትነት የሚጣሉ፣ ልዩነታቸውን ወደሚዲያ በመውሰድ የህዝብን ስሜት የሚያጎሹና ተስፋ የሚያስቆርጡ፣ ሁሉም አርበኛ የሆነበት፣ ሁሉም የድል አብሳሪና ነጋሪት ጎሻሚ የሆነበት፣ በችግርና በደመነፍስ በሚሰሩ ስህተቶች የታጀለ …”

እንደ አስተያየት ሰጪው አባባል ተቃዋሚዎች ልዩነታቸውን ለህዝብ ፍርድ ጥለው አንድ ፈርጣማ ክንድ በመፍጠር ኢህአዴግ ወደ ድርድር እንዲመጣ እጁን መጠምዘዝ የሚችሉበትን አጋጣሚ በገዛ ራሳቸው አሳልፈው የሰጡ ናቸው። እናም በዚህ ስህተታቸው ወደፊት መራመደና ለአገሪቱ ህዝብ አስተማማኝ አማራጭ መሆናቸውን ማሳየት አልቻሉም። በዚህም ሳቢያ ትግሉም እነሱም አንካሳ ሆነዋል። ኢህአዴግም የፖለቲካ ምህዳሩን አንቆ መያዙ ይህንን ሁሉ ጣጣ እንዳመጣበት አሁን ድረስ አልተረዳም። ወይም የፈለገው ይምጣ በሚል ዝምታን መርጧል። በመካከሉ ሕዝብና አገር ያቃስታሉ። አገሪቱ መሸክም የማትችላቸው ሰው ሰራሽ ችግሮች ላይዋ ላይ እየናኙ ነው። ማን ይታደጋት?

በይፋ ባይቀርብም አሁን እነደሚሰማው በአማራ ክልል ተመሳሳይ ተቃውሞ ለማድረግ ዝገጅት አለ። በኦሮሚያም ተመሳሳይ ተቃውሞ ይኖራል። እንደውም አድማሱን ሊያሰፋ እንደሚችል ይገመታል እየተባለ ነው። በደቡብ ክልልም እንዲሁ ጭምጭምታ አለ። እናም አሁን አገሪቱ ያጋጠማትን የኢኮኖሚ ቀውስና የውጭ ንግድ መዛባት፣ እንዲሁም በኑሮ ውድነት ላይ የሚያስከትለው መዘዝ ቀላል ሊሆን አይችልም ተብሎ ይጠበቃል።

አንዳንድ ምንጮች እነደሚሉት ይህ ተቃውሞ ከክልል አመለካከት ጋር የተቆራኘ በመሆኑ ኢህአዴግ በመዋቅሩ ሊታገለውና ሊረታው አይችልም የሚል ስጋት አለ። በዚሁ መነሻ አድማው የገጠር ቀበሌዎችንና ወረዳዎችን መዋቅር መሰረት አድርጎ ሊነሳ እንደሚችልም ትንበያ ተቀምጧል። ይህ ተጋባራዊ ከሆነ “ዳቦ ተቆረሰ” አይነት ፖለቲካ እንዲፈጠር ይጋብዛል። ለሁሉም ግን ዋናው መፍትሄ የኦፌኮ ምክትል ሊቀመንበር እንዳሉት ፖለቲካዊ ምፍትሄ የሚያመጣ ድርድር፣ ንግግር፣ ውይይት ብቻ ነው።

በኦሮሚያ የተደረገውን ከቤት ውስጥ ያለመውጣት አድማ አስመልክቶ ሪፖርተር የሚከተለውን ዘግቧል። ዘገባው የኦሮሚይ ክልልን አስተያየት በስፋት የያዘ በመሆኑ እስካሁን ላቀረበነው ዘገባ ለማመጣጠኛ ይሆን ዘንድ እንዳለ አቅርበነዋል።

በኦሮሚያ የሥራ ማቆም አድማ በ29 ወረዳዎች የትራንስፖርትና የንግድ አገልግሎቶች ተቋርጠው ነበር

  • በጅማ የቦምብ ጥቃት 13 ሰዎች ተጎድተዋል

በኦሮሚያ ክልል በማኅበራዊ ሚዲያ ከረቡዕ ነሐሴ 17 እስከ እሑድ ነሐሴ 21 ቀን 2009 ዓ.ም. በተጠራው የሥራ ማቆም አድማ፣ በ29 ወረዳዎች የትራንስፖርትና የንግድ አገልግሎቶች ተቋርጠው መሰንበታቸውን የክልሉ መንግሥት አስታወቀ፡፡

የክልሉ የመንግሥት የኮሙዩኒኬሽን ጉዳዮች ዳይሬክተር አቶ አዲሱ አረጋ ዓርብ ነሐሴ 19 ቀን 2009 ዓ.ም. ለሪፖርተር እንደተናገሩት፣ በክልሉ ውስጥ ካሉ 315 ወረዳዎች መካከል በ29 ወረዳዎችና በአራት ዋና ዋና ከተሞች ለሦስት ቀናት የሥራ ማቆም አድማ ተደርጓል፡፡

ለዚህ ሥራ ማቆም አድማ መሠረታዊ ተደርጎ በማኅበራዊ ሚዲያ ሲዘዋወሩ ከነበሩ ጉዳዮች መካከል በኦሮሚያ ክልል ከአዋሳኝ አካባቢዎች ጋር ያለው ድንበር በአግባቡ ባለመካለሉ ተደጋጋሚ የሆነ የሰብዓዊ መብት ጥሰቶች እንዳሉ፣ የቀን ገቢ ግምቱ ትክክል አለመሆኑን፣ የኦሮሞ ፌዴራሊስት ኮንግረስ (ኦፌኮ) አመራሮች ይፈቱ የሚሉ መሆናቸውን አቶ አዲሱ አስረድተዋል፡፡

በዚህም ሳቢያ በተጠራው የተቃውሞ ጥሪ በስድስት ዞኖች ውስጥ በሚገኙ ወረዳዎችና ከተሞች የትራንስፖርትና የንግድ እንቅስቃሴዎች ተቋርጠው ነበር፡፡ ለአብነትም ሆሮ ወረዳ፣ አምቦ ከተማ፣ ግንደበረት፣ ጀልዱ፣ ሚዳቀኝ፣ ጮኬ፣ ጮቢ፣ አቡናና፣ ሜጀሬ፣ አሰቦ፣ መኢሶ፣ አወዳይ፣ ሀረማያ፣ ኮምቦልቻ፣ ነቀምቴ፣ ሆለታ፣ ቄለም፣ ደንቢዶሎ ወዘተ እንደሚገኙበት ጠቁመዋል፡፡

በእነዚህ ወረዳዎች ውስጥ ሕገወጥ እንቅስቃሴ ሲፈጽሙ የነበሩ ግለሰቦች እንደነበሩም አቶ አዲሱ ጠቁመዋል፡፡ የንግዱ ማኅበረሰብም በእነዚህ ወረዳዎችና ከተሞች በተነሳው ተቃውሞ እንደተሳተፈ ገልጸው፣ የተደራጁ ቡድኖች በማኅበራዊ ሚዲያ በሚያስተላልፉት መልዕክት ሐሳባቸውን በግድ የመጫን አዝማሚያ እንደነበር አስረድተዋል፡፡

‹‹ሐሳብን በተለያየ መንገድ መግለጽ ሕገ መንግሥታዊ መብት እንደመሆኑ መጠን የሌላውንም ፍላጎት ማክበር ያስፈልጋል፤›› ብለዋል፡፡ መደብሮቻቸውን የዘጉ ነጋዴዎች በዚህ ሕገወጥ ድርጊት ሙሉ በሙሉ እንደማያምኑበትም አቶ አዲሱ ተናግረዋል፡፡

መደብሮቻቸውን በሚከፍቱ ነጋዴዎች ላይም በማኅበራዊ ድረ ገጾች በመታገዝና ዕርምጃ ይወሰድባቸው ብሎ በማስፈራራት፣ አስገድዶ የማዘጋት እንቅስቃሴዎች እንደነበሩ አቶ አዲሱ አስታውቀዋል፡፡

ከዚህ ባለፈም ቀን ከፍተው በነበሩ ነጋዴዎች ላይ በሌሊት በመደብሮቻቸው ላይ ዕርምጃ ሲወስዱ እንደነበረ ጠቁመዋል፡፡ በአወዳይ ከተማ የዚህ ዓይነት ችግር መከሰቱን አቶ አዲሱ ለአብነት አንስተዋል፡፡

በተለይም በመጀመሪያዎቹ ሦስት ተከታታይ ቀናት ውስጥ በሰው አካልና በንብረት ላይ ጉዳት መድረሱን ገልጸዋል፡፡ ሆለታ አካባቢ የሁለት አውቶብሶች መስታወት እንደተሰበረ ጠቁመው፣ የክልሉ መንግሥት የሠራተኞች ሰርቪስ ላይም ተመሳሳይ ጥቃት መድረሱን አስረድተዋል፡፡

ሐሙስ ነሐሴ 18 ቀን 2009 ዓ.ም. ደግሞ በጅማ ከተማ ቦምብ በማፈንዳት በ13 ሰዎች ላይ የአካል ጉዳት መድረሱንም አስታውቀዋል፡፡ ጉዳት የደረሰባቸው በጅማ ዩኒቨርሲቲ ሆስፒታል የሕክምና ዕርዳታ እንደተደረገላቸው፣ ከተጎጂዎቹ ውስጥም የአሥር ዓመት ታዳጊና ሁለት ሴቶች እንደሚገኙበት ተገልጿል፡፡

አቶ አዲሱ ‹‹መንግሥት ቤት ውስጥ በመዋል አድማ የማድረግ ፍላጎት ያላቸውን ዜጎች መብት እንደሚያከብር ሁሉ፣ ሱቃቸውን ከፍተው መሸጥ የሚፈልጉና ሰላማዊ ሕይወት መምራት ለሚፈልጉ ሰዎች ከለላ የመስጠት ግዴታ አለበት፤›› ብለዋል፡፡

የአድማ ጥሪው ከተላለፈ በኋላ ጫት ከኦሮሚያ ክልል ወደ ድሬዳዋ፣ ሐረርና ሶማሌ ክልሎች እንዳይሄድ ሰፊ ቅስቀሳ ሲደረግ እንደነበር አቶ አዲሱ ገልጸዋል፡፡

የክልሉ መንግሥት በዚህ ድርጊት የተሳተፉ ዜጎችን በመለየት እየያዘና ለሕግ ተጠያቂ እያደረገ መሆኑን የገለጹት ኃላፊው፣ ምን ያህል ዜጎች ከዚህ ጋር በተያያዘ እንደታሰሩ ከሪፖርተር ለቀረበላቸው ጥያቄ እስካሁን ቁጥሩ በውል እንደማይታወቅ ተናግረዋል፡፡

የክልሉ መንግሥት ይህ የተቃውሞ ጥሪ መሠረት እንደሌለው ቢገለጽም፣ የተቃዋሚ ፓርቲ አመራሮች ግን ይህን ሐሳብ ተቃውመዋል፡፡ የሰማያዊ ፓርቲ የወቅቱ ፕሬዚዳንት አቶ የሺዋስ አሰፋ ለሪፖርተር እንደተናገሩት፣ ‹‹ይህ ተቃውሞ ቀድሞ የተተነበየ ነው፤›› ብለዋል፡፡ አቶ የሺዋስ ከ2007 ዓ.ም. ምርጫ በኋላ ሕዝቡ መንግሥትን አልመረጥኩም እያለ መሆኑን ጠቁመዋል፡፡

 አቶ የሺዋስ ይህን ጉዳይ ሲያብራሩ፣ ‹‹መንግሥት በርካታ የፖለቲካ ጥያቄዎች እየተጠየቀ የወጣቶች ፈንድ አቋቋምኩ በማለት ለራሱ ነው መልስ የሰጠው፡፡ ይህ ደግሞ መንግሥት እያጭበረበረ መቀጠሉን ያሳያል፤›› ብለዋል፡፡

በኦሮሚያ ክልል የተከሰተውን ተቃውሞ ተከትሎ የአሜሪካ መንግሥት ወደ ኦሮሚያ፣ ጎንደርና ባህር ዳር የጉዞ ዕገዳ በዜጎቿ የጣለ ሲሆን፣ ይህን ጉዳይ በተመለከተ ሪፖርተር ለውጭ ጉዳዩ ሚኒስቴር ቃል አቀባይ አቶ መለስ ዓለም ጥያቄ አቅርቧል፡፡

አቶ መለስ በምላሻቸውም፣ ‹‹ኤምባሲዎች ዋነኛ ሥራቸው እንደዚህ ዓይነት ትንንሽ ጉዳዮች ሲፈጠሩ ይህንን መሰል ማስጠንቀቂያ ማውጣት ነው፡፡ ለምሳሌ የአሜሪካ ኤምባሲ ባለፈው ጊዜ አውጥቶት የነበረውን የጉዞ ክልከላ ስህተት ሆኖ ስላገኘው ይቅርታ ጠይቋል፤›› ብለዋል፡፡

በኦሮሚያ ክልል ከሦስት ሳምንት በፊት ከቀን ገቢ ግምት ጋር በተያያዘ ተነስቶ በነበረው ተቃውሞ በንብረት ላይ ጉዳት መድረሱ ይታወሳል፡፡

 

ፌዴራል ፖሊስ በሙስና ተጠርጥረው የታሰሩ ባለሥልጣናትና ባለሀብቶች ቤተሰቦች ተፅዕኖ እየፈጠሩ ነው አለ

  • በተጠርጣሪዎች ላይ ተጨማሪ ጊዜ ተፈቀደ

የፌዴራል ፖሊስ ወንጀል ምርመራ ቡድን በሙስና ወንጀል ተጠርጥረው የታሰሩ ከፍተኛ የመንግሥት ኃላፊዎችና ባለሀብቶች፣ ቤተሰቦቻቸውና ጓደኞቻቸው ተፅዕኖ እየፈጠሩ መሆኑን ለፍርድ ቤት አስታወቀ፡፡

መርማሪ ቡድኑ ተፅዕኖ መኖሩን የገለጸው፣ ነሐሴ 17 እና 18 ቀን 2009 ዓ.ም. ለፌዴራል ከፍተኛ ፍርድ ቤት ልደታ ምድብ ሁለተኛ ወንጀል ችሎት ለሦስተኛ ጊዜ ያቀረባቸው የስኳር ኮርፖሬሽን፣ የአዲስ አበባ መንገዶች ባለሥልጣንና የአዲስ አበባ ቤቶች ልማት ፕሮጀክት ጽሕፈት ቤት ኃላፊዎች የዋስትና መብታቸው እንዲከበርላቸው በመጠየቃቸው ነው፡፡

መርማሪ ቡድኑ እንደገለጸው፣ ተጠርጣሪዎቹ እንኳን ከእስር ተለቀው በእስር ላይ እያሉም በቤተሰቦቻቸውና በጓደኞቻቸው አማካይነት በምስክሮችና ይሠሩባቸው በነበሩባቸው ተቋማት ሠራተኞች ላይ ተፅዕኖ እየፈጠሩ ነው፡፡ እነሱ ቢለቀቁ ደግሞ ያላቸውን ተሰሚነትና ግንኙነት በመጠቀም ያልተሰበሰቡ ሰነዶችን የማስጠፋት፣ ምስክሮችን የማባበልና የማስፈራራት አቅማቸው ከፍተኛ በመሆኑ፣ ያቀረቡትን የዋስትና ጥያቄ እንደሚቃወም አስረድቷል፡፡

ከስኳር ኮርፖሬሽን ከተንዳሆ፣ ከመተሐራ፣ ከኩራዝ ኦሞ ቁጥር አምስት በድምሩ 13 ተጠርጣሪዎች ቀርበዋል፡፡ መርማሪ ቡድኑ ቀደም ብሎ በተፈቀደለት የምርመራ ጊዜ የ57 ምስክሮች ቃል መቀበሉን፣ በርካታ ሰነዶችን ከተለያዩ ተቋማት መሰብሰቡን፣ የተጠርጣሪዎችን ሀብት በማጥናት የወንጀል ፍሬ የሆኑትን ማሳገዱን አስረድቶ፣ የወንጀል ድርጊቱ የተፈጸመው በአሥር የስኳር ፕሮጀክቶች ላይ  በመሆኑ፣ በጣም ውስብስብ መሆኑንና ያለምንም እረፍት እየሠራ መሆኑን ለፍርድ ቤቱ ገልጿል፡፡

በቀጣይ የምርመራ ቀናት የ59 ምስክሮችን ቃል መቀበል እንደሚቀረው፣ ከየተቋማቱ የፋይናንስ ሰነዶችን በተጠርጣሪዎቹ ተባባሪዎችና ሌሎች ተፅዕኖ ፈጣሪዎች አማካይነት እያሸሹ መሆናቸውን፣ የተወሰኑ ሰነዶችን በግለሰቦች እጅ እያሉ መያዛቸውን በመናገር፣ ለተጨማሪ ምርመራ 14 ቀናት እንዲፈቀድለት አመልክቷል፡፡

ከተንዳሆ ስኳር ፋብሪካ የቤቶች ልማት ፕሮጀክት 20 ሚሊዮን ብር ያላግባብ ተከፍሏቸዋል የተባሉትና ለባቱ ኮንስትራክሽን የተሰጠ የመሬት ምንጣሮ በመንጠቅ ለየማነ ጠቅላላ ተቋራጭ በመስጠት ከ216 ሚሊዮን ብር በላይ ጉዳት አድርሰዋል ተብለው ተጠርጥረው የታሰሩት አቶ የማነ ግርማይ፣ በቁጥጥር ሥር ሲውሉ መሣሪያ ማስተኮሳቸውን መርማሪ ቡድኑ ለፍርድ ቤቱ ገልጿል፡፡ የፍርድ ቤት የመያዣ ትዕዛዝ ይዞ የሄደ ቢሆንም፣ መሣሪያ በማስተኮስ ላለመያዝ ሙከራ ካደረጉ በኋላ፣ ወደሚያውቁት ባለሥልጣን ከደወሉና እጃቸውን እንዲሰጡ ሲነገራቸው በቁጥጥር ሥር ሊውሉ መቻላቸውን ለፍርድ ቤቱ አስረድቷል፡፡ ዘመዶቻቸውና ጓደኞቻቸውም ከፍተኛ የሆነ ተፅዕኖ እየፈጠሩ መሆናቸውንም አክሏል፡፡ ፍርድ ቤቱ ግን ‹‹ለምን በወቅቱ ሪፖርት አላደረጋችሁም?›› በማለት ጥያቄ በማንሳት፣ እንደዚህ ያለ ድርጊት መፈጸም እንዳልነበረበት አስታውቋል፡፡

በኦሞ ኩራዝ ቁጥር አምስት ስኳር ፋብሪካ ፕሮጀክት ተጠርጥረው የታሰሩት፣ የጄጄአይኢሲ ተቋራጭ ሥራ አስኪያጅ ሚስተር ዲዮ ኦን ባለሥልጣናትን ቻይና በመውሰድ ያዝናኑ እንደነበር፣ ወ/ሮ ሳሌም ከበደና አቶ ብርሃኑ ሐረጎት የተባሉት ተጠርጣሪዎች ደግሞ ከቻይናውያን በአካውንታቸው ገንዘብ እንደገባላቸው ማስረጃዎች ማግኘቱን መርማሪ ቡድኑ አስረድቷል፡፡

በሌላ የምርመራ መዝገብ በቀረቡት እነ ኢንጂነር ፍቃዱ ኃይሌ ላይ መርማሪ ቡድኑ በተፈቀደለት ጊዜ የተለያዩ ሰነዶችን ማስተርጎሙን፣ የተጠርጣሪዎችን ቃል መቀበሉን፣ የተለያዩ ሰነዶችን ሰብስቦ የትንተና ሥራ ማከናወኑን ለፍርድ ቤቱ አስረድቶ፣ ከአዲስ አበባ ፖሊስ ኮሚሽን በተረከባቸው መዝገቦች ላይ ከተከሳሾቹ ቃል አለመቀበሉን ገልጾ፣ ተጨማሪ የ14 ቀናት የምርመራ ጊዜ ጠይቋል፡፡

በአዲስ አበባ ቤቶች ልማት ፕሮጀክት ጽሕፈት ቤት ሥራ አስኪያጅ የነበሩት እነ ወ/ሮ ፀዳለ ማሞም ቀርበው ተጨማሪ ምርመራ ጊዜ ተጠይቆባቸዋል፡፡ መርማሪ ቡድኑ በተፈቀደለት ጊዜ ዘጠኝ ምስክሮችንና ሁለት የግዢ ኤክስፐርቶችን ማነጋገሩን፣ የአራት ተጠርጣሪዎችን ቃል መቀበሉን፣ ከፕሮጀክት ጽሕፈት ቤቱ ስድስት ጥራዝ ሰነዶችን መሰብሰቡን፣ ንብረታቸውን ማሳገዱንና ሌሎች በርካታ የምርመራ ሥራዎችን ማከናወኑን አስረድቷል፡፡ የአንድ ተጠርጣሪን ቃል፣ የአራት ምስክሮችን ቃል መቀበልና ከአዲስ አበባ ከተማ አስተዳደር ዋና ኦዲተር ቢሮ ተጨማሪ የኦዲት የምርመራ ሰነዶችን መቀበል እንደሚቀረው አብራርቶ የጠየቀው መርማሪ ቡድኑ፣ ተጨማሪ የ14 ቀናት የምርመራ ጊዜ እንዲፈቀድለት አመልክቷል፡፡

መርማሪ ቡድኑ በተጠርጣሪዎቹ ላይ አከናወንኩ ባላቸውና ይቀሩኛል ባላቸው የምርመራ ሥራዎች ላይ ሁሉም ተጠርጣሪዎች ተመሳሳይ የሆነ ተቃውሞ አቅርበዋል፡፡ መርማሪ ቡድኑ ሠርቻለሁና ይቀሩኛል የሚላቸው ነገሮች ተመሳሳይ መሆናቸው፣ ይቀረኛል የሚላቸው ሥራዎች ተጠርጣሪዎቹ ሳይታሰሩ መሥራት የሚችላቸውና በመንግሥት ተቋም ውስጥ የሚገኙ መሆናቸውን ለፍርድ ቤቱ አስረድተዋል፡፡ ተጠርጣሪዎቹን ማሰር ሳያስፈልግ ማጣራትና መሰብሰብ የነበረበትን መረጃና ማስረጃ እነሱን አስሮ ወደ ፍለጋ መግባቱ ሕጋዊ ይዘት የሌለው በመሆኑ፣ ሕገ መንግሥታዊ የዋስትና መብታቸው ተጠብቆ በውጭ ሆነው እንዲከታተሉ፣ የመርማሪ ቡድኑን ተጨማሪ የምርመራ ጊዜን ውድቅ በማድረግ እንዲፈቀድላቸው ጠይቀዋል፡፡

የግራ ቀኙን ክርክር የሰማው ፍርድ ቤቱ የተጠርጣሪዎችን የዋስትና ጥያቄ ውድቅ በማድረግ፣ መርማሪ ቡድኑ ከጠየቀው ተጨማሪ 14 ቀናት ውስጥ፣ የስምንትና 12 ቀናትን ፈቅዷል፡፡ የስኳር ኮርፖሬሽንና የአዲስ አበባ ቤቶች ልማት ፕሮጀክት ጽሕፈት ቤት ተጠርጣሪዎች ነሐሴ 25 ቀን 2009 ዓ.ም. እንዲቀርቡና የአዲስ አበባ መንገዶች ባለሥልጣንና የኦሞ ኩራዝ ቁጥር አምስት ስኳር ፕሮጀክት ተጠርጣሪዎች ለነሐሴ 29 ቀን 2009 ዓ.ም. እንዲቀርቡ ትዕዛዝ ተሰጥቷል፡፡

በየማነ ግርማይ ጠቅላላ ተቋራጭ የፋይናንስና ንብረት ዕግድ ይነሳልኝ ጥያቄ ለፍርድ ቤቱ አቤቱታ የቀረበ ቢሆንም፣ የግራ ቀኙ ተከራካሪዎች አስተያየት ሰጥተውበት ማለትም ዕግድ የጠየቀው መርማሪ ፖሊስ ሦስተኛ ወገንን፣ የፋይናንስ እንቅስቃሴንና የሠራተኛ ደመወዝን በማሰብ እንዴት ታግዶ መቆየት እንዳለበት ሐሳብ እንዲያቀርብ፣ ድርጅቱ ደግሞ በምን ሁኔታ ዕግዱ መነሳት እንዳለበት እንዲሁ ሐሳብ እንዲያቀርብ ትዕዛዝ በመስጠት በተመሳሳይ የቀጠሮ ቀን እንዲቀርቡ ትዕዛዝ ሰጥቷል፡፡

Reporter Amharic 

 

በአዲስ ቪው ሆቴል ባለቤት ላይ ተጨማሪ የምርመራ ጊዜ ተፈቀደ

አራጣ በማበደር ወንጀል ተጠርጥረው በእስር ላይ በሚገኙት የአዲስ ቪው ሆቴል ባለቤት አቶ ዓብይ አበራ ላይ፣ የፌዴራል ፖሊስ ወንጀል ምርመራ ቡድን የጠየቀው ተጨማሪ የምርመራ ጊዜ ተፈቀደለት፡፡

መርማሪ ቡድኑ ተጠርጣሪውን በፌዴራል የመጀመርያ ደረጃ ፍርድ ቤት አራዳ ምድብ ወንጀል ችሎት ለአራተኛ ጊዜ ነሐሴ 17 ቀን 2009 ዓ.ም. አቅርቧቸዋል፡፡ ምንም እንኳን ተጠርጣሪውን በቁጥጥር ሥር ያዋላቸው አራጣ በማበደር ወንጀል ቢሆንም፣ ምርመራ በሚያደርጉበት ወቅት በሕገወጥ የሰዎችና የገንዘብ ዝውውር ወንጀልም መሰማራታቸውን መረዳቱን አመልክቷል፡፡ ተጠርጣሪው በሌሎች የፌዴራል ፍርድ ቤቶችም ክስ ቀርቦባቸው ዋስትና መከልከላቸውንም መርማሪ ቡድኑ ገልጿል፡፡

ከመንግሥት ኃላፊዎች ጋር በመመሳጠር ሰነዶችን ማጥፋታቸውን፣ የመንግሥት ኃላፊዎችን ስም በመጥራት ምርመራ እንዳያደርጉ እንቅፋት እየፈጠሩና የምርመራ ሒደቱንም ውስብስብ እያደረጉባቸው መሆኑን መርማሪ ቡድኑ ለፍርድ ቤቱ ገልጿል፡፡ በመሆኑም ሕገወጥ የሰዎች ዝውውርና ሕገወጥ የገንዘብ ዝውውር ወንጀሎችን ለመመርመርና ለማጣራት፣ ተጨማሪ 14 የምርመራ ቀናት እንዲፈቀድለት ጠይቋል፡፡

በተደጋጋሚና ተመሳሳይ ሥራዎችን በማንሳት ተጨማሪ የምርመራ ጊዜ ሲጠይቅ ለአራተኛ ጊዜ መሆኑን ያስታወሱት የተጠርጣሪ አቶ ዓብይ አበራ ጠበቃ አቶ ደስታ በርሄ፣ መርማሪ ቡድኑ ምርመራውን እንደጨረሰ ለፍርድ ቤቱ ማስረዳቱን አስታውሰዋል፡፡ ደንበኛቸው ተጠርጥረው የታሰሩት አራጣ በማበደር ወንጀል መሆኑንና በዚህ ላይም ምርመራ መጨረሱን ጠበቃው ተናግረው፣ ደንበኛቸውን አስረው ለማቆየት ሌላ ወንጀል እየተፈለገባቸው መሆኑን አመልክተዋል፡፡

በወንጀለኛ መቅጫ ሥነ ሥርዓት ሕግ አንድ ተጠርጣሪ ከመያዙ በፊት መረጃና ማስረጃዎች ተሰብስበው ማለቅ እንዳለባቸው መደንገጉን ጠቁመው፣ አቶ ዓብይ ግን በእስር ላይ ሆነው ማስረጃ እየተፈለገባቸው መሆኑ ተገቢ አለመሆኑንና ሕጉን የሚቃረን እንደሆነም አመልክተዋል፡፡ በአራጣ ወንጀል በተከፈተ ምርመራ ላይ ሌሎችን ፈልጎ ማካተት ተገቢ አለመሆኑንና ሊዘጋ እንደሚገባም አክለዋል፡፡

መርማሪ ቡድኑ ከመንገድና ትራንስፖርት ባለሥልጣንና ከገቢዎችና ጉምሩክ ባለሥልጣን ያልሰበሰባቸው ሰነዶች እንዳሉ የተናገረ ቢሆንም፣ ሰነዶቹ በመንግሥት ተቋማት ውስጥ ያሉ በመሆናቸው ከደንበኛቸው ጋር እንደማይገናኙም አስረድተዋል፡፡ ሕገወጥ የገንዘብ ዝውውርን በሚመለከትም መንግሥት ከውጭ አገር መንግሥታት ጋር ባለው ግንኙነት መሠረት ማስረጃዎችን መሰብሰብ እንደሚችል ጠበቃው ጠቁመው፣ የአቶ ዓብይ በዋስ መፈታት የሚያደርሰው ተፅዕኖ እንደሌለ አስረድተዋል፡፡

የአቶ ዓብይ የባንክ ሒሳቦች በሙሉ መዘጋታቸውን የገለጹት አቶ ደስታ፣ በሌላ ፍርድ ቤት በተመሳሳይ ወንጀል ተከሰው ዋስትና በመከልከላቸው እዚህም ፍርድ ቤት ሊፈቀድላቸው እንደማይገባ መናገር ስህተትና አንድ ሰው በተመሳሳይ ክስ በተለያየ ቦታ ሊከሰስ እንደማይገባ ጠቁመዋል፡፡

መርማሪ ቡድኑ እንደገለጸው አቶ ዓብይ በፌዴራል ፖሊስ ላይ ተፅዕኖ ይፈጥራሉ ሊባል እንደማይገባ ጠበቃው ተናግረው፣ ‹‹ይኼ ትልቅ ተቋም እንኳን ራሱን እኛንም ይጠብቃል፤›› ብለዋል፡፡ አንድ ግለሰብ ተፅዕኖ ያሳድራል ማለት ተቋሙን ዝቅ ማድረግ ነው ብለዋል፡፡ ከመቶ በላይ ሠራተኞች እንዳሏቸው በመግለጽና ፍርድ ቤቱም ይኼንኑ አቤቱታ በማረጋገጥ ቼክ እንዲፈርሙ ትዕዛዝ ቢሰጥም፣ በፖሊሲ እንቢተኛነት የፍርድ ቤቱ ትዕዛዝ ተግባራዊ ሊሆን አለመቻሉንም አስረድተዋል፡፡ ለሠራተኞች ደመወዝ መክፈል ባለመቻሉም ተቋሙ ሊዘጋ መሆኑንም አክለዋል፡፡

ተጠርጣሪው አቶ ዓብይ እንዲናገሩ ዕድል እንዲሰጣቸው ጠይቀው ሲፈቀድላቸው እንደተናገሩት፣ አሁን የታሰሩት ከሦስት ዓመታት በፊት ከአንድ ከፍተኛ የመንግሥት ባለሥልጣን ጋር በመካሰሳቸው፣ ያንን ለመበቀል ሆን ተብሎ በተቀናበረ ወንጀል መሆኑን ተናግረዋል፡፡ የተጠረጠሩት አራጣ ከማበደር ወንጀል ጋር የተገናኘ ቢሆንም፣ እሳቸው ግን አራጣ አበድረው ሳይሆን ዮሐንስ ኃይለየሱስ ከሚባሉ ግለሰብ ጋር በጋራ የገዙት ፋብሪካ አላዋጣ ሲላቸው በመሸጣቸው ምክንያት፣ በእሱ ላይ የተቀነባበረ ነገር መሆኑን ተናግረዋል፡፡ ታስረው ባሉበትም ከባድ ተፅዕኖ እየደረሰባቸው መሆኑን፣ ከፍተኛ ሕክምና የሚያስፈልገው ሕመም እንዳለባቸው፣ የቤተሰብ አስተዳዳሪና በቂ ሀብት ያላቸው መሆኑን ተናግረው ዋስትና እንዲፈቀድላቸው ጠይቀዋል፡፡

መርማሪ ቡድኑ ደግሞ ባቀረበው ክርክር ለፍርድ ቤቱ እንዳስረዳው፣ ምርመራው የተጀመረው እንደተገለጸው በአራጣ ወንጀል ተጠርጥረው ነው፡፡ ነገር ግን አራጣውን ሲያጣራ ሕገወጥ የሰውና የገንዘብ ዝውውር እንደሚያከናውኑ መረጃዎች ማግኘቱን ገልጿል፡፡ ሌሎች ተጎጂዎችም እየቀረቡ ነው ብሏል፡፡ ሀብት ያፈሩም ቢሆን፣ በሕገወጥ መንገድ የተገኘ መሆኑንና አንዳንድ ጥገኛ ባለሥልጣናትም ሊኖሩ ስለሚችሉ፣ ተጨማሪ የምርመራ ጊዜ እንደሚያስፈልገው አመልክቷል፡፡

ፍርድ ቤቱ በመሀል፣ ‹‹መዝገቡን የከፈታችሁት ከአራጣ ጋር በተገናኘ ነው፡፡ በተፈቀደላችሁ ጊዜ ምን ሠራችሁ?›› የሚል ጥያቄ ለመርማሪ ቡድኑ አቅርቧል፡፡ መርማሪ ቡድኑ በሰጠው ምላሽ እንዳስረዳው የባንክ ሒሳብ መግለጫ ማሰባሰቡን፣ ከገቢዎችና ጉምሩክ ባለሥልጣን ተሽከርካሪ በዝቅተኛ ቀረጥ ያስገቡበትን ሰነድ ማግኘቱን፣ ነገር ግን በዚያው ተቋም ከመሀል ተገንጥሎ የጠፋ ሰነድ መኖሩ ስለታወቀ፣ እሱን በሚመለከት እየሠራ መሆኑን፣ ለተለያዩ ባንኮች ደብዳቤ መበተኑንና ሌሎች በርካታ ሥራዎችን ማከናወኑን ገልጿል፡፡ በዋስ ቢወጡም ተፅዕኖ ስለሚፈጥሩ የምርመራ ሒደቱን እንደሚያበላሹበት በማስረዳት፣ ዋስትናው ውድቅ ተደርጎ የጠየቀው ተጨማሪ የምርመራ ጊዜ እንዲፈቀድለት ጠይቋል፡፡

ፍርድ ቤቱ የግራ ቀኙን ክርክር ከሰማ በኋላ በሰጠው ትዕዛዝ ተጠርጣሪው የጠየቁትን የዋስትና መብት እንዳልተቀበለ ገልጾ፣ ለተጨማሪ ምርመራ አሥር ቀናት መፍቀዱንና ለነሐሴ 27 ቀን 2009 ዓ.ም. ቀጠሮ መስጠቱን አስታውቋል፡፡

Reporter Amharic