ዘመናዊ የዐይነ ስውራን አዳሪ ትምህርት ቤት ሊገነባ ነው

ቀዳማዊት እመቤት ዝናሽ ታያቸው ለዘመናዊው የዐይነ ስውራን አዳሪ ትምህርት ቤት ግንባታ የመሰረት ድንጋይ አስቀምጠዋል። ትምህርት ቤቱ የሚገነባው ፋቲማ ቢን ሙባረክ በተባሉ የዱባይ ዜጋ ድጋፍ ሲሆን ‘F-B-M’ የሚል ስያሜ ተሰጥቶታል።

ቀዳማዊት እመቤት ዝናሽ ታያቸው ለትምህርት ቤቱ ግንባታ የመሰረተ ድንጋይ ሲያስቀምጡ እንዳሉት ትምህርት ቤቱ ዐይነ ስውራን ደረጃውን የጠበቀ ትምህርት እንዲያገኙ ያስችላል። ትምህርት ቤቱ ለዐይነ ስውራን ተማሪዎች ምቹ በሆነ ሁኔታ ተገንብቶ በሁለት ዓመት ጊዜ ውስጥ እንደሚጠናቀቅም ገልጸዋል።

በመሰረተ ድንጋይ ማስቀመጥ ስነስርዓቱ ላይ የተገኙት ሎሬት የትነበርሽ ንጉሴ ፥ቀዳማዊት እመቤቷ ከቀዳማዊ ሃይለስላሴ ቀጥሎ የዐይነ ስውራን ጉዳይ ይመለከተኛል በሚል ትምህርት ቤት የሚገነቡ ብቸኛ ሰው ናቸው ብለዋል።

በሀገሪቷ ትምህርትን ለሁሉም ለማዳረስ በሚደረገው ጥረት ውስጥ ዐይነ ስውራን ትኩረት ባይሰጣቸውም ቀዳማዊት እመቤቷ ይህን ተግባር መፈጸማቸው የሚያስመሰግን ነው ብለዋል።

ዐይነ ስውራን ካልተማሩ የበለጠ ለችግር ተጋላጭ ከመሆናቸው በላይ በወላጆቻቸው ጭምር መገለል እንደሚደርስባቸውም አንስተዋል።

በሌሎች ሀገሮች ትላልቅ ቦታዎች ላይ የሚሰሩ ዐይነ ስውራን መኖራቸውንና በኢትዮጵያ ግን የሂሳብና ሳይንስ ትምህቶች ለዐይነ ስውራን እንደማይሰጡ ያነሱት ሎሬት የትነበርሽ፥ ትምህርት ቤቱ ይህን ችግር በመፍታት ዐይነ ስውራን ቴክኖሎጂን በመጠቀም በሂሳብና ሳይንስ ትምህርቶች ውጤታማ እንዲሆኑ ሁሉም የድርሻውን እንዲወጣ ጠይቀዋል።

‘F-BM’ የዐይነ ስውራን አዳሪ ትምህርት ቤት በአዲስ አበባ አቃቂ ቃሊቲ ክፍለ ከተማ በ11ሺ ሜትር ካሬ ላይ የሚያርፍ ሲሆን፥300 ለሚሆኑ ተማሪዎች አገልግሎት የሚሰጥ ይሆናል።

የሰበታ “መርሃ እውራን” ትምህርት ቤት በአጼ ሃይለስላሴ አገዛዝ ጊዜ የተገነባ የመጀመሪያው የዐይነ ስውራን ትምህርት ቤት ሲሆን፥ ‘F-B-M ‘በዘርፉ ሁለተኛው ነው።

fbc

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.